1 Tungod sa tumang kalisod nanawag ako kanimo, Ginoo.

2 Pamatia ang akong pagpakiluoy kanimo.

3 Ginoo, kon gilista mo pa ang among mga sala,

kinsa pa kahay mahibilin sa imong presensya?*

4 Apan gipasaylo mo kami, busa amo kang ginatahod.

5 Naghulat gayod ako kanimo, Ginoo,

ug nagsalig ako sa imong pulong.

6 Naghulat ako kanimo, Ginoo,

labaw pa sa paghulat sa mga tigbalantay sa kabuntagon.

7 Mga taga-Israel, salig kamo sa Ginoo,

kay mahigugmaon siya ug andam kanunay nga moluwas.

8 Siya mismo ang moluwas kaninyo

gikan sa tanan ninyong mga sala.