Mga Salmo 134

Ang awit samtang gatungas.

1 Dayega ninyo ang Ginoo,

kamong tanan nga nag-alagad kaniya diha sa iyang Templo panahon sa kagabhion.

2 Ibayaw ninyo ang inyong mga kamot sa inyong pag-ampo diha sa sulod sa Templo,

ug dayega ninyo ang Ginoo.

3 Hinaut nga panalanginan kamo sa Ginoo nga anaa sa Zion,*134:3 Zion: mao usab ang Jerusalem.

nga mao ang naghimo sa kalangitan ug sa kalibotan.