Salmos 34

8 Sulayi ninyo ug inyong makita kon unsa kamaayo ang Ginoo.

Bulahan ang tawo nga nagdangop kaniya.

9 Tahora ninyo ang Ginoo, kamong iyang matinud-anong katawhan.

Kay ang motahod kaniya dili gayod makabsan sa tanan niyang gikinahanglan.

10 Ang mga liyon mahimong makabsan sa kalan-on ug magutman,

apan ang mga nagdangop sa Ginoo

dili gayod makabsan sa maayong mga butang.

11 Dali, kamong buot magtuon,*34:11 Dali, kamong buot magtuon: sa literal, mga anak. pamatia ninyo ako,

ug tudloan ko kamo sa pagtahod sa Ginoo.