Mga Salmo 62

5 Sa Dios lang ako makaangkon

ug kapahulayan kay gihatagan niya akog paglaom.

6 Siya lang ang akong salipdanan nga bato ug manluluwas.

Siya ang akong dalangpanan, busa dili ako malaglag.

7 Anaa sa Dios ang akong kaluwasan ug kadungganan.

Siya ang akong lig-ong salipdanan nga bato,

ang akong tigpanalipod.

8 Kamong mga katawhan sa Dios,

salig kamo kaniya sa tanang panahon!

Isulti kaniya ang tanan ninyong kabalaka

kay siya ang nagpanalipod kanato.