14 Ngunit isinusumpa ko

ang araw na akoʼy isinilang!

Hindi ko ikinagagalak ang araw

na ipinanganak ako ng aking ina!

15 Isinusumpa ko ang nagbalita sa aking ama na,

"Lalaki ang anak mo!"

na siyang ikinagalak ng aking ama.

16 Nawa ang taong iyon

ay maging katulad ng mga bayang

winasak ng Panginoon

at hindi kinahabagan.

Nawaʼy maghapon niyang mapakinggan

ang sigaw at daing

ng mga tao sa digmaan.

17 Sapagkat hindi niya ako pinatay

noong akoʼy nasa sinapupunan pa

ng aking ina.

Sanaʼy naging libingan ko na lang

ang tiyan ng aking ina,

o di kayaʼy ipinagbuntis

na lamang niya ako magpakailanman.

18 Bakit pa ako isinilang?

Para lang ba makita ang kaguluhan

at kahirapan,

at mamatay sa kahihiyan?