Yesu ahezagira abana bato
13 Umusi umwe, abavyeyi bazanye abana babo aho Yesu ari kugira ngo abarambikeko ibiganza. Ariko abigishwa barabakankamira. 14 Yesu abibonye, arababara. Abwira abigishwa biwe ati: "Nimureke abana bato baze aho ndi, ntimubabuze, kuko Ubwami bw’Imana ari ubw’abameze nka bo. 15 Ndababwire ukuri, umuntu wese atakira Ubwami bw’Imana nk’umwana muto ntazokwigera abwinjiramwo." 16 Nuko aterura ba bana, abarambikako ibiganza, arabahezagira.