પ્રભુના લોકો માટે ઉઘરાણું
1 અને હવે, ભાઈઓ અને બહેનો, ઈશ્વરે મકદોનિયાની મંડળીઓ પર કેટલી બધી કૃપા દર્શાવી છે એ વિશે અમે તમને જણાવીએ છીએ. 2 ઘણી મુશ્કેલીઓ અને ભારે કસોટી થયાં છતાં તેઓ પુષ્કળ આનંદથી ભરપૂર હતા, અતિશય ગરીબાઈ હોવા છતાં તેઓની ઉદારતારૂપી સમૃધ્ધિ વધી ગઈ. 3 કેમકે તેઓ જેટલું આપી શક્યા તેટલું આપ્યું, અને પોતાની શકિત ઉપરાંત આપ્યું. તેઓએ પોતાની સ્વેચ્છાપૂર્વક ખુશીથી આપ્યું. 4 તેઓએ પ્રભુના લોકોની સેવામાં ભાગીદાર થવા માટે અમને આગ્રહપૂવઁક વિનંતી કરી. 5 વળી તેઓએ અમારી અપેક્ષા કરતાં પણ વધું કયુઁ, તેઓએ પહેલાં પ્રભુને, અને પછી ઈશ્વરની ઇચ્છા પ્રમાણે અમને પણ પોતાને સોંપ્યા.