Adiyaara Yọọn 14

Ayịn Edọñ ye Awo 144,000

1 Ndin ami mmaase ñnyʌñ ñkịt Ayịn Edọñ ado naña ada ke iso mmi ke Abod Saiyọn ye mme awo 144,000 e-emaekewet anyịñ Ayịn Edọñ ye anyịñ Ete amọ ke akpọiso ammọ. 2 Ndin mmaakop uyom naña ato hefịn a-akeyomoke nte mbufuud mmọọñ ye nte aduma a-asakka ke akpọsọñ uyio. Uyom a-ami ñkekoppo akeba nte ikwọ ndido a-mme andibre ndido ebreke. 3 Ndin ammọ emaekwọ ufa ikwọ ke iso ebekpo ye ke iso mme aduuwem unam inaañ ye mme ñkpisọñ ado. Awo ndomokeed ikikanna ikpeep ufa ikwọ ado ibọhọke mme awo tọsịn ikie keed mme aba mme inaañ (144,000) ado e-emaekefak esio ke ederimbod. 4 Mbon ami edo mbon i-imiikisappake idem ammọ ye ibaan, sia emaenịm idem ammọ asana. Ammọ emaekeene Ayịn Edọñ itie akeedodo a-anye akekaaha. Emaedep ammọ esio ke atu ubon awo enyʌñ eyaak ammọ enọ Abasi ye Ayịn Edọñ nte mme akpa mfịd. 5 Nsu ndomokeed ikibaaha ammọ ke inua; ammọ inieghe ndo.