Ñwed Mbon Hibru 1

Krais Ado Akpatre Ikọ A-atooho Abasi

1 Ke mme usen edem, Abasi amaatañ ikọ anọ mme ete ñnyịn ato inua mme prọfed ke uwak-uwak ini ye ke nsio-nsio usʌñ, 2 ado ke mme akpatre usen ami anye a-atañ ikọ inọ ñnyịn ato Ayịn amọ, a-anye amaakemek adiaakpa afịd ñkpọ, a-adooho ekenam ekondo eto ke anye. 3 Ayịn ado uyama ubọọñ Abasi ye ataa mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk nnasia Andikara ke hefịn.