36 Kidiọn amaabo Abasi, "Adieke adooho afo ayaanyaaña Isrel ato ke ubọk mmi naña afo akenwọñọ 37 se, ami ñyaabịt idededọñ ke afe ubeek abakpa. Adieke mbara abaaha ke ided ado ikpọọñ ado afịd isọñ ado nsaad, ndin ami ñyaadiọọñọ ke afo ayaanyaaña Isrel ato ubọk mmi, naña afo aketañ." 38 Ndin kpa se ikiitịppe akedo ado. Kidiọn amaabak ademme ke usiere edem usen; ndin anye amaafʌt anyʌñ anyịmme mbara mmọọñ a-akeyọhọke iko asio.
39 Akem Kidiọn amaabo Abasi, "Kuuyat esịd ye ami. Yak nnam ebeeñe keed mfen kpọd. Yak ami ndat idededọñ nnam idomo keed mfen, ado ini anye ami nam idededọñ asat ndin yak mbara afʌk isọñ." 40 Ke akonayio ado Abasi amaanam ntoro. Idededọñ ikpọọñ akesat; mbara amaanyʌñ afʌk afịd isọñ.