1 Mme ñke Sọlọmọn, ayịn Defid, adidem Isrel:

2 ke adinie aniọñ ye nnọitem;

ke adibọ ifiọk ye mbufiọk;

3 ke adibọ ukpeebñkpọ ke ido ndiọọñọidem,

adinam se inen inyʌñ ifọn inyʌñ idot;

4 ke adinọ mme akọi ndiọọñọidem,

nnọọ mme iwaad ifiọk ye mfarakeidem,

5 yak mbon aniọñ ekpañ utọñ enyʌñ edian ke ukpeebñkpọ ammọ

yak mbon eti iwuod enyʌñ ebọ ndadusʌñ,

6 ke adikama ndiọọñọ mme ñke ye mme ndọk,

mme ikọ ye mme uto mbon aniọñ.

7 Mbaak Abọọñ ado ntọọñọ ifiọk,

ado mme ndisịme esua aniọñ ye item.