Mme Ñke 5

8 Yak usʌñ ndufo anyọọñ akpọñ anye,

ikiisaña ikpere inuausʌñ ufọk amọ,

9 mbaak ndufo ididuọọk ukpono ndufo inọọ mbon mfen

ye uku*5:9 Akeme ido mme isua ndufo ñko inọọ awo ndoom,

10 mbaak mme isenawo edibịme inie ndufo

ndin afịd ufen ndufo akeforo ufọk awo mfen.

11 Ke utịd uwem ndufo, afo ayaatua akuun,

ke ini abʌk ye ikpọkidem ndufo emaebiara.

12 Ndufo eyaebo, "Se naña ñnyịn ikisua item!

Naña esịd ñnyịn akesua ntʌnọ!

13 Ami ñkekoppo item mme andikpeeb mmi

ñnyʌññọ ñwọññọ utọñ mmi nnọ mme anọitem mmi.

14 Ikpeenekekpeene ami mmaadʌk ekamba mfịna

ke esob ikọd Abasi."