अक्ल किधा का भेटा?
12 अक्ल किधा का सका भेटी?
हाम्हैं किधा का सका शिखल़ी अर समझ़ी।
13 अक्ल निं एऊ संसारै हाम्हां मणछा जैंदरी भेटदी
नां कहा का तेते असली किम्मत थोघ आथी।
14 अक्ली लोल़ै ज़ै समुंदरे थाल्लै बी पुजे,
सह निं तेथ बी च़ाल्ली भेटी।
15,16 तेता निं च़ोखअ सुन्नैं-च़ंदी दैई बी मोलै लई सकदै।
तेते किम्मत आसा च़ोखै सुन्नैं अर
किम्मती मणीं का बी खास्सी।
17 च़ोखअ सुन्नअ, अर खास्सअ किम्मती
शिशअ बी निं तेता सेटा किछ़ै आथी।
18 हीरै, मोती, किम्मती नघो
मोल बी निं अक्ली सेटा किछ़ आथी।
19 ज़ुंण पुखराज़ नघ कूश देशै भेटा अर
च़ोखअ सुन्नअ बी निं अक्लीए बराबरी करी सकदअ।
20 तै अक्लीओ मूल़ किधी आसा?
तेता हाम्हैं किधा का सका समझ़ी अर शिखल़ी?
21 तेता निं कोहै ज़िऊंदअ ज़ीब भाल़ी सकदअ,
सरगै डेऊणैं आल़ै च़ेल्लू-पखीरू बी निं तेता भाल़ी सकदै।
22 मौत अर बरैबादी बी बोला तेते बारै एचल़ी,
‘हाम्हैं आसा अक्लीए बारै गल्ला शूणीं दी।’
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)