ज़ैहसू 3

14,15 सह थिई लऊंणींए रीत, अर भराल़ै ती जरदण नदी खास्सी भर्हुई दी। ज़ांऊं इज़राईली जरदण नदी पार टपणा लै आपणैं खिम्भ झाल़ै, प्रोहत डेऊऐ करारे मणशू च़की तिन्‍नां सोभी का आजू। ज़ेही ई तिन्‍नैं जरदण नदीए पाणीं दी गंईं डाही,✝3:14-15 लुआ. 14:21 16 जरदण नदीओ पाणीं खल़्हुअ तिधी तेथ बाझ़अ सारतान नाओंए ज़ैगा नेल़ आदम नगरी उंधै सारै पाणीं दी शाफल़। तिधा उंधै अराबा समुंदर ज़ेता लै खार समुंदर बी बोला, सह पाणीं शुक्‍कअ पठी अर सारी इज़राईली परज़ा टपी जरदण नदी पार जेरिहो नगरी नेल़ रेगीस्तानै। 17 बिधाते प्रोहत रहै करारे मणशू च़की जरदण नदी मांझ़ा-मांझ़ी शुक्‍की ज़ैगा तेभै तैणीं खल़्हुई ज़ेभै तैणीं सोभै इज़राईली मणछ जरदण नदी पार टपी निं मुक्‍कै।✝3:17 लुआ. 14:22; 2 राज़. 2:8