1 Pababia ku Shilu mu nndema uku kaanani, akakilongosi bu lukolu lwa Alawi bajenda kwaka nngolu nkolongu Eliazali na kwaka Joshua mwana waka Nuni na kwa aka kilongosi ba makabila gangi ga Azilaeli, 2 bumpwagila, "Bambu Sapanga anndagalakia Musa mutupekia misi jukutama na jejibii ni iyoli yukupugii inyama yitu." 3 Ndienu, kulengana na malagalaki gaka Bambu Sapanga, Aizalaeli baapekia Alawi nndema yenze pamu ni iyoli yukupugi inyama kuhuma mu nndema yabu.

4 Lukolu lu utumbuli kupata nndema kukupega gudugudu lwabia lukolu lwa Akohati. Kati jabu bandu kibeleku saka nngolu Aloni baapekiya misi komi ni mitatu kuhuma mu nndema ya makabila ga Yuda, Simoni na Benjamini.

5 Lukolu lwa pili kupata nndema sukupega gudugudu lwabia lukolu lwa Akoati baahigali baapekia misi jengi komi kuhuma ku nndema ju lukolu lwa makabila gaka Epulaimu na Dani na nusu ji likabila laka Manase bababia atama upandi golijingi lyoba.

6 Lukolu lwa tatu kupata nndema kukupega gudugudu lwabia lukolu lwa Geshoni bapatiki misi komi ni mitatu kuhuma mu lukolu lwa makabila gaka Isakali na Asheli na Nafutali na nusu ji likabila laka Manase ku Bashani upandi golipiti lyoba.

7 Lukolu lu nsesi kupata nndema kukupega gudugudu lwabia lukolu lwaka Melali bapatiki misi komi ni mibeli mu nndema gu likabila laka Lubeni na Gadi na Zabuloni.

8 Aizalaeli baapekiya Alawi nndema heji pamu ni iyoli yukupugi inyama, ngati Bambu Sapanga eandagalakia Musa.

9 Ganga ndi mahina ga misi kuhuma mu ndema ya makabila gaka Yuda na Simeoni gaguge baabagulia, 10 lukolu luku nngolu Aloni, bababi alongu bulukolu lwa Akohati jojwabia lukolu lwaka Aloni. Nndema wabu bapatiki ndaba gudugudu juutumbuli jaabukia bombi. 11 Baapekiya Kiliati Alaba gobugukema Hebuloni pamu ni iyoli gukupugi yeiyonguluti musi hogu, mu nndema wii itombi ya Yuda. Alaba jwabiya atati baka Anaki. 12 Lakini matui ga musi hogu pamu ni ijiji yeibii pambipi babiya bumpeki Kalebu mwana waka Yefune ibiya mali gaki.

13 Ndienu lukolu luku nngolu Aloni babagulia musi uku Hebuloni goguwe kabe wabii bugubei kuba musi gukutili mundu jokapi jojukoma ili julama. Kabe baapekia misi ja Libina pamu ni iyoli yukupugi inyama yabu. 14 Ndienu baabagulia nndema guku Yatili pamu ni iyoli yaki yu kupugi, Eshitemoa pamu ni iholi yaki yu kupugi. 15 Kabee baabagulia nndema uku Holoni pamu ni iholi yaki yu kupugi, Debili pamu ni iholi yaki yu kupugi. 16 Kabe baabagulia musi uku Aini pamu ni iholi yaki yu kupugi, Yuta pamu ni iholi yaki yu kupugi na Beti Shemesi pamu ni iholi yaki yu kupugi. Misi joti mu nndema wa makabila gabeli gala gaka Simoni na Yuda gabia tisa. 17 Mu nndema ulikabila laka Benyamini bababia lukolu lwaka Aloni baapekiya misi jengi jejuje ndi musi uku Gibeoni pamu ni iholi yaki yu kupugi na musi uku Geba pamu ni iyoli yaki yu kupugi, 18 musi uku Anatoti pamu ni iholi yaki yukupugi na musi uku Alimoni pamu ni iholi yaki yu kupugi. Misi joti jebaapekiya jabia nsesi. 19 Misi joti je baabagulia lukolu lwaka Aloni babube babia aka agolu, jabiya komi ni mitatu pamu ni iholi yabu yu kupugi.

20 Bandu babahigali bu lukolu lwa Kohati, babube kabe Alawi baapekiya misi kuhuma mu likabila laka Epulaimu. 21 Kuuma munndema wi itombi ya Efulaimu babagulia musi uku Shekemu, musi gowabi gukutili baapekia ni iholi yaki yu kupugi, na musi uku Gezeli pamu ni iholi yaki yu kupugi, 22 na baabagulia musu wa Kibuzaimu na Beti Horoni pamu ni iholi yaki yu kupugi. Misi joti jebaabagulia jabiya nsesi. 23 Kabee kuhuma mu nndema ulikabila laka Dani baapekia musi uku Aliteke pamu ni iholi yabu yu kupugi na musi uku Gibetoni pamu ni iholi yaki yu kupugi, 24 na musi wa Ayaloni pamu ni iholi yaki yu kupugi na musi uku Gati Limoni pamu ni iholi yaki yu kupugi. Misi joti jebaapekia jabiya nsesi. 25 Nusu jilikabila laka Manase luupandi wa kolijingi lioba baapekia musi uku Taanaki pamu ni iholi yabu yukupugi na musi uku Gati Limonu pamu ni iholi yaki yu kupugi. Misi joti jebaapekiya jabiya jibeli. 26 Enu, misi jebaapekiya lukolu lwa Akohati jejahigali jabiya komi pamu ni iholi yabu yu kupugi.

27 Lukolu lwa Galishoni bi likabila la Alawi bapatiki misi jibeli pamu ni iyoli yaki yukupugi kuhuma mu nusu ji likabila laka Manase upandi wa kolipita lyoba. Misi heji jabia musi uku Golani musi ukutili, ku Bashani pamu ni iyoli yaki yukupugi na musi uku Bishala pamu ni iyoli yaki yukupugi. 28 Kuhuma ku likabila laka Isakalia baapekiya musi uku Akishioni pamu ni iholi yaki yu kupugi na musi uku Dabelati ni iholi yaki yu kupugi, 29 kabee baabagulia musi uku Yalimuti pamu ni iholi yaki yu kupugi nuku musi uku Eni Ganimu pamu ni iholi yaki yu kupugi. Misi yoti jebaapekiya jabiya nsesi. 30 Kuhuma mu nndema u likabila laka Asheli baapekiya musi uku Mishali pamu ni iholi yaki yu kupugi, Abudoni pamu ni iholi yaki yukupugi. 31 Ndienu baabagulia musi uku Helikati pamu ni iholi yaki yu kupugi na musi uku Lehobu pamu ni iholi yaki yu kupugi. Misi joka jebaapekiya jabiya nsesi. 32 Kuhuma mu nndema u likabila laka Nafutali baapekiya Akadeshi, musi gu kutili gowabi ku Galilaya pamu ni iholi yaki yukupugi nuku Hamoti Doli pamu ni iholi yaki yukupugi nuku Kalitani pamu ni iholi yaki yu kupugi. Misi joka jebaabagulia jabia misi mitatu. 33 Misi joka jebaapekia lukolu lwaka Gelishoni jabiya komi ni mitatu pamu ni iholi yabu yukupugi.

34 Alawi bangi babahigali bu lukolu lwaka Melali, baapekiya misi nnsesi pamu ni iholi yaki yukupugi kuhuma mu likabila la Zabuloni. Misi je jabiya Yokineamu na musi uku Kalita. 35 Baapekia musi uku Dimuna pamu ni iholi yaki yu kupugi na musi uku Nahalali pamu ni iholi yaki yu kupugi jumula ja misi jabiya nsesi. 36 Kuhuma mu nndema u likabila laka Lubeni baapekiya Abezeli pamu ni iholi yaki yu kupugi nuku Yahazi pamu ni iholi yaki yu kupugi, 37 Kabee baabagulia musi uku Kademoti pamu ni iholi yaki yu kupugi na musi uku Mefaati pamu ni iholi yaki yu kupugi. Misi joti jabia nsesi. 38 Kuhuma mu nndema u likabila la Gadi baapekiya musi uku Alamoti uku Gileadi, musi gu kutili, pamu ni iholi yaki yukupugi, musi uku Mahanaimu pamu ni iholi yaki yu kupugi, 39 Ndienu baabagulia musi uku Heshiboni pamu ni iholi yaki yu kupugi na musi uku Yazeli pamu ni iholi yaki yu kupugi. Misi yoti yebaabagulia jabii nsesi. 40 Misi joti yebapatiki lukolu lwaka Melali, haba ndi akaalongu baka Alawi babahigali, jabiya misi komi ni mibeli.

41 Misi joti jebapata likabila la Alawi kuhuma mu nndema wa Aizalaeli jabiya alubaini na nani pamu ni iholi yabu yukupugi. 42 Kila gumu kati ja misi heji jabii na kiholi sukuleke inyama yabu kuyongalota kila musi.

43 Ndienu, Bambu Sapanga jwapekiya Aizalaeli nndema woti gojwaalagila kwaapeke akahoku babu. Nabombi bugujukuwa na kuba gwabu. 44 Ndienu Bambu Sapanga jwaahenga atama su lukwali kila pandu punndema ngati ejaalapila akahoku babu. Nga mmbaja jokapi jojaawesa ndaba Bambu Sapanga jwabiya jwaajangati Aizilaeli baawesa abaja babu. 45 Ngase labii lilagi lokapi laamboni lejwalagila Bambu Sapanga langa kulihenga. Kila sindu sejwaalagila sapiiti.