1 Reis 18

Kujhomole lulange

41 Pughapetita gheniya, Eliya ngannobholila munahota nkolongwa Ahabo, "Nnyabhule makalye nu kunywe, ku nhwalo nijhoha kulindimila kwa hula ngolongwa." 42 Ahabo ngajhenda kulye nu kunywe, na Eliya ngahowika ku kilegheleghe chikitombe cha Kalimele, ngalita pahe nu kubheka muto gwake panakate jha majhugho ghake. 43 Pena, Eliya ngannobholila ntumiche jwake, "Ngohe, nnyende makalole upande gwa kumbwane." Ntumiche ngajhenda kulola ngabhujha kulonge, "Kibhii jhe kilebhe kwenio."

Eliya ngannobholila ntumiche jwenio, "Nnyende kabhele ade mala pachaba."

44 Mala jha chaba ntumiche jwenio ngabhujha nukulonge, "Nilibhona lihunde lyandina ngita kighanja cha mundo lihobhoka kuhumii kumbwane."

Eliya ngalonge, "Nnyende mukannobholele munahota nkolongwa Ahabo alenganikiye mutuka jhake jhihutwa na falache na nnyende ukajha jhanganhwibhilila jhe hula."

45 Kipinde cheche, kunane ngukutanda mahunde mapile tyoo nu upepo ngupoghita, na hula ngolongwa kingomita na munahota nkolongwa Ahabo ngahobhokila mutuka jhake, ngabhujha ku Yezeleele.