14 Se benɛ jeha yemi ɔ ya nɔ kɛ su he ko ɔ kɛkɛ nɛ Yesu pue nɔ kɛ ho Sɔlemi We ɔ ya nɛ e ya fiɛ paa. 15 Enɛ ɔ pee Yuda nikɔtɔma amɛ nyakpɛ nɛ a bi ke, "Kɛ Nɔmlɔ nɛ ɔ nɛ kase we ni ngɛ wa ni kasemi he ɔ pee kɛ le níhi a mi fitsofitso kikɛ ɔ kɛɛ?"

16 Nɛ Yesu de mɛ ke, "Tsa pi ami nitsɛ ye juɛmi mi ni nɛ i ngɛ nyɛ tsɔɔe ɔ, se nɔ nɛ Mawu tsɔ mi ke ma ba de nyɛ ɔ i. 17 Ke nyɛ ti nɔ ko suɔ nɛ e pee Mawu suɔmi nya ni ɔ, e maa le ye fiɛmi ɔ mi tso kaa e je Mawu ngɔ aloo ami nitsɛ ye nɔ i. 18 Nɔ ko nɛ peeɔ lɛ nitsɛ e yi mi nɔ́ ɔ, lɛ nitsɛ e hɛ mi nyami nɛ e ngɛ hlae, se tsɔlɔ nɛ peeɔ nɔ nɛ tsɔ lɛ ɔ hɛ mi nyami womi nihi ɔ, e ji anɔkualetsɛ kɛ nɔmlɔ kpakpa.