Romanos 6

11 Lɔ ɔ he je ɔ, waa bu wa yayami peemi su ɔ kaa e gbo, nɛ e be hae nɛ wa maa pee yayami hu. Waa hi hɛ ngmle kɛ gu wa Nutsɔ Yesu Kristo nɔ, nɛ waa pee klaalo kɛ ha Mawu.

12 Lɔ ɔ he je ɔ, nyɛ ko ha yayami he blɔ nɛ e ye matsɛ ngɛ nyɛ nɔ hu, se mohu nyɛ si yayami akɔnɔ ni ɔmɛ a se. 13 Nɛ nyɛ ko ngɔ nyɛ nɔmlɔ tso ɔ he ko kɛ hi yayami pee hu, se mohu nyɛɛ ngɔ nyɛ he kɛ ha Mawu kulaa kaa nihi nɛ a tle mɛ si kɛ je gbeje, nɛ nyɛɛ pee Mawu dɛ mi níhi nɛ e kɛ nyɛ ma tsu e ni tsumi kpakpahi.