אֶסתֵּר 10

1 און דער מלך אַחַשוֵרוֹש האָט אַרױפֿגעלײגט אַ צינדז אױפֿן לאַנד, און אױף די אינדזלען פֿון אים. 2 און די מעשׂה פֿון זײַן שטאַרקײט און זײַנע גבֿורות, און די אױסדערצײלונג פֿון מָרדכַיס גרױסקײט װאָס דער מלך האָט אים געגרײסט, זײ זײַנען שױן פֿאַרשריבן אין דעם בוך פֿון די צײַטגעשעענישן פֿון די מלכים פֿון מָדַי און פָּרַס. 3 װאָרעם מָרדכַי דער ייִד איז געװען דער שני-למלך פֿון אַחַשוֵרוֹשן, און גרױס בײַ ייִדן, און באַליבט בײַ זײַנע פֿיל ברידער. ער האָט געזוכט גוטס פֿאַר זײַן פֿאָלק, און גערעדט צום פֿריד פֿאַר זײַן גאַנצן שטאַם.