1 un di mener fun Efrayim hobn zich aingezamlt, un zei zainen ariber kein tsofn, un hobn gezogt tsu Yiftachn: far vos bistu aribergegangen milchome tsu haltn mit di kinder fun Amon, un undz hostu nisht gerufn tsu gein mit dir? dain hoiz veln mir farbrenen iber dir in faier. 2 hot Yiftach tsu zei gezogt: in grois shtrait bin ich geven, ich un main folk, mit di kinder fun Amon, un ich hob aich gerufn, un ir hot mich nisht geholfn fun zeyer hant. 3 hob ich gezen az ir helft nisht, un ich hob genumen main lebn in main hant, un bin ariber tsu di kinder fun Amon, un Hashem hot zei gegebn in main hant; un far vos zait ir aroifgekumen tsu mir haintikn tog milchome tsu haltn mit mir?

4 un Yiftach hot aingezamlt ale mener fun Gilad, un hot milchome gehaltn mit Efrayim, un di mener fun Gilad hobn geshlogn Efrayim, vail zei hobn gezogt: oisvurfn fun Efrayim zait ir, Gilad, tsvishn Efrayim, tsvishn Menasheh. 5 un Gilad hot farchapt di iberforn fun Yarden far Efrayim, un es iz geven, az an antrunener fun Efrayim hot gezogt: ich vil aribergein, azoi hobn di mener fun Gilad tsu im gezogt: bistu an Efrayimer? un az er hot gezogt: nein, 6 hobn zei tsu im gezogt: zog akorsht Shibolet, un az er hot gezogt Sibolet, vail er hot nisht gekent aroisredn richtik, azoi hobn zei im ongenumen un im geshochtn bai di iberforn fun Yarden. un es zainen gefaln in yener tsait fun Efrayim tsvei un fertsik toiznt.

7 un Yiftach hot gemishpet Yisroel zeks yor, un Yiftach der Gil'ader iz geshtorbn, un iz bagrobn gevorn in di shtet fun Gilad.

8 un noch im hot gemishpet Yisroel Ibtsan fun Beis-Lechem. 9 un er hot gehat draisik zin, un draisik techter hot er oisgegebn, un draisik techter hot er araingenumen far zaine zin fun deroisn. un er hot gemishpet Yisroel zibn yor. 10 un Ibtsan iz geshtorbn, un iz bagrobn gevorn in Beis-Lechem.

11 un noch im hot gemishpet Yisroel Elon der Zevuluner. un er hot gemishpet Yisroel tsen yor. 12 un Elon der Zevuluner iz geshtorbn, un iz bagrobn gevorn in Ayalon in land Zevulun.

13 un noch im hot gemishpet Yisroel Avdon der zun fun Hilleln fun Pirathon. 14 un er hot gehat fertsik zin un draisik einiklech, vos zainen geritn oif zibetsik yunge eizlen. un er hot gemishpet Yisroel acht yor. 15 un Avdon der zun fun Hilleln fun Pirathon iz geshtorbn, un iz bagrobn gevorn in Pirathon in land Efrayim, oifn barg fun Amalek.