1 zainen aroisgegangen ale kinder fun Yisroel, un di gantse eide vi ein man, fun Dan un biz Beer-Sheva un land Gilad, hot zich aingezamlt tsu Hashem kein Mitspah. 2 un di forshteyer fun gantsn folk, fun ale shvotim fun Yisroel, hobn zich geshtelt in der ainzamlung fun G-ts folk, fir hundert toiznt fusgeyer vos tsien a shverd. – 3 un di kinder fun Binyamin hobn gehert az di kinder fun Yisroel zainen aroifgegangen kein Mitspah. – un di kinder fun Yisroel hobn gezogt: dertseilt, vi azoi iz geshen dos dozike beiz.

4 hot zich opgerufn der man der Levi, der man fun der derhrgeter froi, un hot gezogt: kein Givah vos gehert tsu Binyamin, bin ich gekumen, ich un main kepsvaib, tsu nechtikn. 5 zainen oifgeshtanen oif mir di mener fun Givah, un hobn arumgeringlt dos hoiz arum mir bai nacht; mich hobn zei getracht tsu hargen, un main kepsvaib hobn zei gepainikt biz zi iz geshtorbn. 6 hob ich ongenumen main kepsvaib, un hob zi tseshnitn, un hob zi funandergeshikt in gantsn feld fun der nachle fun Yisroel, vorem zei hobn geton a shendlechkeit un a nevole in Yisroel. 7 ot zait ir ale, kinder fun Yisroel, git aher aier basheid un eitse.

8 hot zich oifgehoibn dos gantse folk vi ein man, azoi tsu zogn: mir veln nisht gein keiner tsu zain getselt, un mir veln nisht ainkern keiner in zain hoiz! 9 un atsund iz dos di zach vos mir veln ton tsu Givah: gein oif ir loit goirl. 10 un mir veln nemen tsen man fun hundert, fun ale shvotim fun Yisroel, un hundert fun toiznt, un toiznt fun tsen toiznt, oif tsu brengen shpaiz faran folk, kedei zei zoln ton, az zei kumen tsu Geva-Binyamin, loit der gantser nevole vos zi hot geton in Yisroel.

11 un ale mener fun Yisroel hobn zich aingezamlt oif der shtot, baheft vi ein man. 12 un di shvotim fun Yisroel hobn geshikt mentshn durchn gantsn sheyvet Binyamin, azoi tsu zogn: vos far a beiz iz do geshen tsvishn aich? 13 un atsund git arois di mentshn, di nidertrechtike yungen, vos in Givah, un mir veln zei teitn, un oisramen dos beiz fun Yisroel. ober di kinder fun Binyamin hobn nisht gevolt tsuhern tsu dem kol fun zeyere brider, di kinder fun Yisroel. 14 un di kinder fun Binyamin hobn zich aingezamlt fun di shtet kein Givah, kedei aroistsugein oif milchome mit di kinder fun Yisroel. 15 un di kinder fun Binyamin hobn in yenem tog zich getseilt fun di shtet zeks un tsvantsik toiznt man vos tsien a shverd, achuts di bavoiner fun Givah vos hobn zich getseilt zibn hundert geklibene mener. 16 dos dozike gantse folk, zibn hundert geklibene mener, zainen geven gelinkte. itlecher fun di hot gevorfn a shtein in a hor, un nisht farfelt.

17 un di kinder fun Yisroel hobn zich getseilt achuts Binyamin fir hundert toiznt man vos tsien a shverd; ale di dozike, milchome-lait. 18 un zei zainen oifgeshtanen, un zainen aroifgegangen kein Beis-El, un hobn gefregt bai Elokim. un di kinder fun Yisroel hobn gezogt: ver zol undz aroifgein tsuersht oif milchome mit di kinder fun Binyamin? hot Hashem gezogt: Yehudah tsuersht.

19 zainen aroifgegangen di kinder fun Yisroel in der peire, un zei hobn gelegert oif Givah, 20 un di mener fun Yisroel zainen aroisgegangen oif milchome mit Binyamin; un di mener fun Yisroel hobn ongericht a milchome mit zei bai Givah. 21 zainen di kinder fun Binyamin aroisgegangen fun Givah, un zei hobn umgebracht fun Yisroel in yenem tog tsvei un tsvantsik toiznt man tsu der erd.

22 ober dos folk, di mener fun Yisroel, hobn zich geshtarkt, un zei hobn vider ongericht a milchome in dem ort vos zei hobn dortn ongericht in ershtn tog.

23 un di kinder fun Yisroel zainen aroifgegangen, un hobn geveint far Hashem bizn ovnt, un zei hobn gefregt bai Hashem, azoi tsu zogn: zol ich vider genenen oif milchome mit di kinder fun main bruder Binyamin? hot Hashem gezogt: geit aroif akegn im.

24 un di kinder fun Yisroel hobn genent tsu di kinder fun Binyamin oifn tsveitn tog. 25 un Binyamin iz aroisgegangen akegn zei fun Givah oifn tsveitn tog, un zei hobn umgebracht fun di kinder fun Yisroel noch achtsen toiznt man tsu der erd; ale di dozike hobn getsoign a shverd. 26 zainen ale kinder fun Yisroel, dos gantse folk, aroifgegangen, un zei zainen gekumen kein Beis-El, un hobn geveint, un zei zainen gezesn dortn far Hashem, un hobn gefast in yenem tog bizn ovnt, un oifgebracht brandopfer un fridopfer far Hashem. 27 un di kinder fun Yisroel hobn gefregt bai Hashem – vorem der orn fun G-ts bris iz dort geven in yene teg; 28 un Pinchas der zun fun Elazar dem zun fun Aharonen iz geshtanen far im in yene teg – azoi tsu zogn: zol ich vider aroisgein oif milchome mit di kinder fun main bruder Binyamin, oder ich zol oifhern? hot Hashem gezogt: geit aroif, vorem morgn vel ich im gebn in dain hant.

29 hot Yisroel geshtelt loierer oif Givah rund arum. 30 un di kinder fun Yisroel zainen aroifgegangen akegn di kinder fun Binyamin oifn dritn tog, un zei hobn zich oisgeshtelt akegn Givah, azoi vi di frierdike mol. 31 un di kinder fun Binyamin zainen aroisgegangen akegn dem folk – zei zainen opgetsoign gevorn fun shtot; un zei hobn ongehoibn avekleigen fun dem folk dershlogene azoi vi di friedike mol, oifn feld, oif di vegen vos einer geit aroif kein Beis-El, un einer kein Givah, arum draisik man fun Yisroel. 32 un di kinder fun Binyamin hobn gezogt: zei zainen geshlogn far undz azoi vi tsuersht; ober di kinder fun Yisroel hobn gezogt: lomir antlofn un zei optsien fun shtot tsu di vegen. 33 un ale mener fun Yisroel zainen oifgeshtanen fun zeyer ort, un hobn zich oisgeshtelt in Baal-Tamar. un di loierer fun Yisroel zainen aroisgeshprungen fun zeyer ort, fun maerh-Geva. 34 un zei zainen gekumen fun akegn Givah, tsen toiznt geklibene mener fun gants Yisroel, un es iz geven a shvere milchome; un yene hobn nisht gevust, az zei treft an umglik. 35 un Hashem hot geshlogn Binyamin far Yisroel, un di kinder fun Yisroel hobn umgebracht fun Binyamin in yenem tog finf un tsvantsik toiznt un hundert man; ale di dozike hobn getsoign a shverd.

36 un di kinder fun Binyamin hobn gezen, az zei zainen geshlogn. un di mener fun Yisroel hobn gelozt ort far di kinder fun Binyamin, vorem zei hobn zich farzichert oif di loierer vos zei hobn geshtelt oif Givah. 37 un di loierer hobn geailt un zich a loz geton oif Givah, un di loierer hobn araingetsoign un hobn geshlogn di gantse shtot mitn sharf fun shverd.

38 un an opred iz geven bai di mener fun Yisroel mit di loierer, zei zoln machn oifgein a grois volken roich fun shtot. 39 un vi di mener fun Yisroel hobn zich umgekert in der milchome, un Binyamin hot ongehoibn avekleigen dershlogene fun di mener fun Yisroel, arum draisik man, vail zei hobn gezogt: far vor, geshlogn iz er geshlogn far undz, azoi vi in der ershter milchome – 40 azoi hot der volken ongehoibn oifgein fun shtot, a zail roich, un Binyamin hot zich umgekert hinter zich, ersht di gantse shtot iz oifgegangen in roich tsum himel. 41 un di mener fun Yisroel hobn zich umgekert, un di mener fun Binyamin zainen tsetumlt gevorn, vorem zei hobn gezen az an umglik hot zei getrofn. 42 un zei hobn zich avekgekert far di mener fun Yisroel tsum veg fun midber, ober di milchome hot zei ongeyogt; un di vos fun di shtet hobn im umgebracht in zain mit. 43 zei hobn arumgeringlt Binyamin, im nochgeyogt, tsu menuche im getribn, biz kegen Givah tsu zunoifgang. 44 un es zainen gefaln fun Binyamin achtsen toiznt man; ale di dozike, heldishe lait.

45 un zei hobn zich farkert, un zainen antlofn tsum midber, tsum feldz Rimmon, ober yene hobn nochgeklibn fun zei oif di vegen finf toiznt man, un zei hobn zei nochgeyogt biz Gidom, un geshlogn fun zei tsvei toiznt man. 46 un ale vos zainen gefaln fun Binyamin in yenem tog, zainen geven finf un tsvantsik toiznt man vos hobn getsoign a shverd, ale di dozike, heldishe lait. 47 ober zeks hundert man hobn zich farkert, un zainen antlofn tsum midber, tsum feldz Rimmon, un zei zainen gezesn in feldz Rimmon fir chodeshim.

48 un di mener fun Yisroel hobn zich umgekert tsu di kinder fun Binyamin, un hobn zei geshlogn mitn sharf fun shverd, fun der gantser shtot biz a beheime, biz alts vos hot zich dortn gefunen; oich hobn zei ale shtet vos hobn zich dortn gefunen, avekgelozt in faier.