1 un dos zainen di felker vos Hashem hot gelozt, kedei tsu pruvn mit zei Yisroel, di ale vos hobn nisht gevust fun ale milchomes fun Kenaan; 2 bloiz kedei di doires fun di kinder fun Yisroel zoln visen, zei tsu lernen milchome – di vos hobn noch frier derfun nisht gevust; 3 di finf firshtn fun di Pelishtim, un der gantser Kenaani, un der Tsidoni, un der Chivi, der bavoiner fun barg Levanon, fun barg Baal-Chermon biz me kumt kein Chammat. 4 un zei zainen geblibn kedei tsu pruvn mit zei Yisroel, tsu visen oib zei veln tsuhern di gebot fun Hashem vos er hot gebotn zeyere eltern durch Mosheen. 5 un di kinder fun Yisroel zainen gezesn tsvishn dem Kenaani, dem Chitti, un dem Emori, un dem Perizzi, un dem Chivi, un dem Yevusi. 6 un zei hobn zich genumen zeyere techter far vaiber, un zeyere techter hobn zei gegebn tsu di zin fun yene, un zei hobn gedint zeyere g‑ter.

7 un di kinder fun Yisroel hobn geton vos iz shlecht in di oign fun Hashem, un zei hobn fargesen on Hashem zeyer G-t, un hobn gedint di Baal g‑ter un di Asherot. 8 un der tsorn fun Hashem hot gegrimt oif Yisroel, un er hot zei ibergeentfert in der hant fun Kushan-Rishatayim dem melech fun Aram-Naharayim, un di kinder fun Yisroel hobn gedint Kushan-Rishatayimen acht yor. 9 hobn di kinder fun Yisroel geshrien tsu Hashem, un Hashem hot oifgeshtelt di kinder fun Yisroel a helfer vos hot zei geholfn, Otniel dem zun fun Kenazn, Kalevs yingern bruder. 10 un der gaist fun Hashem iz geven oif im, un er hot gemishpet Yisroel; un er iz aroisgegangen oif milchome, un Hashem hot gegebn in zain hant Kushan-Rishatayim dem melech fun Aram, un zain hant iz geven shtark oif Kushan-Rishatayimen. 11 un dos land iz geven ruik fertsik yor. un Otniel der zun fun Kenazn iz geshtorbn. 12 un di kinder fun Yisroel hobn vider geton vos iz shlecht in di oign fun Hashem, un Hashem hot geshtarkt Eglon, dem melech fun Moav iber Yisroel, vail zei hobn geton vos iz shlecht in di oign fun Hashem.

13 un er hot aingezamlt tsu zich di kinder fun Amon un Amalek, un iz gegangen un hot geshlogn Yisroel; un zei hobn aingenumen di shtot fun teitlbeimer. 14 un di kinder fun Yisroel hobn gedint Eglon dem melech fun Moav achtsen yor. 15 hobn di kinder fun Yisroel geshrien tsu Hashem, un Hashem hot zei oifgeshtelt a helfer Ehud dem zun fun Geran, a Binyaminer, a man a gelinktn. un di kinder fun Yisroel hobn geshikt durch zain hant a matone tsu Eglon dem melech fun Moav. 16 hot Ehud zich gemacht a shverd vos hot gehat tsvei sharfn, an eil di leng; un er hot zi ongegurt unter zaine kleider oif zain rechtn dich. 17 un er hot genent di matone tsu Eglon dem melech fun Moav – un Eglon iz geven zeyer a feter mentsh. 18 un es iz geven, vi er hot geendikt genenen di matone, azoi hot er aroisbaleit di mentshn vos hobn getrogn di matone. 19 un er alein hot zich umgekert fun di shteinhakeraien vos lebn Gilgal, un hot gezogt: a farborgene zach hob ich tsu dir, melech. hot er gezogt: zol zain shtil! un ale vos zainen geshtanen arum im, zainen aroisgegangen fun im. 20 un Ehud iz tsugekumen tsu im vi er zitst alein in der kiler oibershtub vos bai im, un Ehud hot gezogt: a vort fun Elokim hob ich tsu dir. iz er oifgeshtanen fun zain shtul. 21 un Ehud hot oisgeshtrekt zain linke hant, un hot genumen zain shverd fun zain rechter dich, un hot zi araingeshtochn in zain boich. 22 un oich der shtil iz arain nochn kling; un dos fets hot aingeshlosn dem kling, vorem er hot di shverd nisht aroisgetsoign fun zain boich; un zi iz arois fun hinterlaib. 23 un Ehud iz aroisgegangen in firhoiz, un hot tsugemacht di tirn fun der oibershtub hinter zich, un tsugeshlasn. 24 un vi er iz aroisgegangen, azoi zainen ongekumen zaine knecht, un hobn derzen, ersht di tirn fun der oibershtub zainen farshlosn, un zei hobn gezogt: mestm iz er oif zain baderfenish in der kilkamer. 25 ober az zei hobn zich tsu shand gevart, ersht er efent nisht di tirn fun der oibershtub, hobn zei genumen dem shlisel , un hobn geefent; ersht zeyer har ligt toit oif der erd. 26 un Ehud iz antrunen gevorn beeis zei hobn gezamt, un er iz ariber di shteinhakeraien, un iz antrunen kein Seirah. 27 un es iz geven, vi er iz ongekumen, azoi hot er geblozn in shoifer in dem geberg fun Efrayim, un di kinder fun Yisroel hobn aropgenidert mit im fun dem geberg, un er zei farois. 28 un er hot tsu zei gezogt: yogt noch hinter mir, vorem Hashem hot gegebn aiere faint, Moav, in aiere hant. un zei hobn aropgenidert noch im, un hobn farchapt di iberforn fun Yarden far Moav, un keinem nisht gelozt aribergein. 29 un zei hobn geshlogn fun Moav in yener tsait arum tsen toiznt man, vu nor a laibiker, un vu nor a heldisher man; un keiner iz nisht antrunen gevorn. 30 un Moav iz gevorn untertenik in yenem tog unter der hant fun Yisroel; un dos land iz geven shtil achtsik yor.

31 un noch im iz geven Shamgar der zun fun Anatn, vos hot geshlogn fun di Pelishtim zeks hundert man mit an oksnshtekn. un er oich hot geholfn Yisroel.