1 Awa ndo wantu yawawuyiti kulawa muuhamisiwu weni Nebukadineza mfalumi gwa Babeli kawapelekiti malopola Babeli, wawuya kumji Yerusalemu na muisi ya Yuda. Kila muntu kawuyiti kumji gwakuyi. 2 Awa ndo wakulu yawawuyiti nawa awa. Zerubabeli na Yeshuwa na Nehemiya na Seraya na Reelaya, Moridekai na Bilishani na Misipari na Bigwai na Rehumu na Baana.

Awa ndo wantu wa nkolu za Israeli yawawuyiti kulawa muuhamisiwu: 3 Wantu wa lukolu lwa Paroshi yawawuyiti waweriti elufu mbili miya yimu sabini na mbili. 4 Wantu wa lukolu lwa Shefatiya waweriti miya tatu sabini na mbili. 5 Wantu wa lukolu lwa Ara waweriti miya saba sabini na mhanu. 6 Wantu wa lukolu lwa Pahati Mowabu, walii wiwuka wa Yeshuwa na Yoabu waweriti elufu mbili miya nani kumi na mbili. 7 Wantu wa lukolu lwa Eramu waweriti elufu yimu miya mbili amusini na msheshi. 8 Wantu wa lukolu lwa Zatu waweriti miya tisa alubayini na mhanu. 9 Wantu wa lukolu lwa Zakayi waweriti miya saba sitini. 10 Wantu wa lukolu lwa Bani waweriti miya sita alubayini na mbili. 11 Wantu wa lukolu lwa Bebayi waweriti miya sita ishilini na tatu. 12 Wantu wa lukolu lwa Azigadi waweriti elufu yimu miya mbili ishilini na mbili. 13 Wantu wa lukolu lwa Adonikamu waweriti miya sita sitini na sita, 14 wantu wa lukolu lwa Bigwai waweriti elufu mbili na amusini na sita. 15 Wantu wa lukolu lwa Adini waweriti miya msheshi amusini na msheshi. 16 Wantu wa lukolu lwa Ateri viraa liawu limonga Hezekiya waweriti tisini na nani. 17 Wantu wa lukolu lwa Besayi waweriti miya tatu ishilini na tatu. 18 Wantu wa lukolu lwa Yora waweriti miya yimu kumi na mbili. 19 Wantu wa lukolu lwa Hashumu waweriti miya mbili ishilini na tatu. 20 Wantu wa lukolu lwa Gibari waweriti tisini na mhanu. 21 Wantu wa mji gwa Betilehemu waweriti miya yimu ishilini na tatu. 22 Wantu wa mji gwa Netofa waweriti amusini na sita. 23 Wantu wa mji gwa Anatoti waweriti miya yimu ishilini na nani. 24 Wantu wa mji gwa Azimaweti waweriti alubayini na mbili. 25 Wantu wa mji gwa Kiriyati Yearimu na Kefira na Beeroti waweriti miya saba alubayini na tatu. 26 Wantu wa mji gwa Rama na Geba waweriti miya sita ishilini na yimu. 27 Wantu wa mji gwa Mikimashi waweriti miya yimu ishilini na mbili. 28 Wantu wa mji gwa Beteli na Ai waweriti miya mbili ishilini na tatu. 29 Wantu wa mji gwa Nebo waweriti amusini na mbili. 30 Wantu yawawuyiti kulawa muuhamisiwa wa mji gwa Magibishi waweriti miya yimu amusini na sita. 31 Wantu wa mji gwa Eramu gwa pili waweriti elufu yimu miya mbili amusini na msheshi. 32 Wantu wa mji gwa Harimu waweriti miya tatu ishilini. 33 Wantu wa mji gwa Lodi na Hadidi na Ono waweriti miya saba ishilini na mhanu. 34 Wantu wa mji gwa Yeriku waweriti miya tatu alubayini na mhanu. 35 Wantu wa mji gwa Senaa waweriti elufu tatu miya sita selasini.

36 Awa ndo watambika yawawuyiti kulawa muuhamisiwu: Watambika wa lukolu lwa Yedaya, yawaweriti wa wiwuka wa Yeshuwa waweriti miya sita sabini na tatu. 37 Watambika wa lukolu lwa Imeri waweriti elufu yimu na amusini na mbili. 38 Watambika wa lukolu lwa Pashuri waweriti elufu yimu miya mbili alubayini na saba. 39 Watambika wa lukolu lwa Harimu waweriti elufu yimu kumi na saba. 40 Walawi yawawuyiti muuhamisiwa waweriti: Wantu wa lukolu lwa Yeshuwa na lwa Kadimieli, wiwuka wa Hodaviya waweriti sabini na msheshi. 41 Wantu awa waweriti wimba: Kulawa wiwuka wa Asafu waweriti miya yimu ishilini na nani. 42 Awa ndo wantu yawaweriti walolera: Kulawa wiwuka wa Shalumu na wa Ateri na wa Talimoni na wa Akubu na wa Hatita na wa Shoba, waweriti miya yimu selasini na tisa. 43 Nkolu za wantu zyaziweriti zyankutenda lihengu munumba nkulu ya Mtuwa Mlungu na wawuyiti kulawa muuhamisiwa ndo azi: Lukolu lwa Siha na lukolu lwa Hasufa na lukolu lwa Tabaoti, 44 Lukolu lwa Kerosi na lukolu lwa Siaha na lukolu lwa Padoni, 45 Lukolu lwa Lebana na lukolu lwa Hagaba na lukolu lwa Akubu, 46 Lukolu lwa Hagabu na lukolu lwa Shamlai na lukolu lwa Hanani, 47 Lukolu lwa Gideli na lukolu lwa Gahari na lukolu lwa Reaya, 48 Lukolu lwa Resini na lukolu lwa Nekoda na lukolu lwa Gazamu, 49 Lukolu lwa Uza na lukolu lwa Pasea na lukolu lwa Besai, 50 Lukolu lwa Asina na lukolu lwa Meunimu na lukolu lwa Nefisimu, 51 Lukolu lwa Bakibuki na lukolu lwa Hakufa na lukolu lwa Harihuri, 52 Lukolu lwa Basiluti na lukolu wa Mehida na lukolu lwa Harisha, 53 Lukolu lwa Barikosi na lukolu lwa Sisera na lukolu lwa Tema, 54 Lukolu lwa Nezia na lukolu lwa Hatifa. 55 Ayi ndo walanga za wiwuka wa wantumintumi wa mfalumi Selemani yawawuyiti kulawa muuhamisiwa: Luweriti lukolu lwa Sotai na lukolu lwa Hasofereti na lukolu lwa Peruda, 56 Lukolu lwa Yaala na lukolu lwa Darikoni na lukolu lwa Gideli, 57 Lukolu lwa Shefatiya na lukolu lwa Hatili na lukolu lwa Pokereti Hasebaimu na lukolu lwa Ami. 58 Na wiwuka wa wantumintumi woseri wa numba nkulu ya Mlungu na wiwuka wa wantumintumi wa Selemani yawawuyiti kulawa muumanda waweriti wantu miya tatu tisini na mbili.

59 Wantu wa miji ayi, viraa wawuyiti kulawa muuhamisiwu: Wantu wa mji gwa Teli Mela na Teli Harisha na Kerubu na Adani na Imeri, kumbiti womberi wasinditi kulanguziya handa nkolu zawu zilawirana na Waisraeli. 60 Womberi waweriti wa lukolu lwa Delaya na Tobia na Nekoda, weni waweriti wantu miya sita amsini na mbili. 61 Wantu wa nkolu azi za watambika viraa wawuyiti kulawa muuhamisiwa: Lukolu lwa Habaya na lukolu lwa Hakosi na lukolu lwa Barizilayi. Ayu Barizilayi kaweriti kayuga mhinga gwa Gileadi na yomberi viraa kashemitwi Barizilayi. 62 Awa wasakuliti matawu gawu mumaholu ga nkolu, kumbiti wawoneka ndiri amu. Hangu wajimiliwiti ndiri kuwera watambika toziya wajimiritwindiri kulongolu kwa Mlungu. 63 Mkolamlima kawagambira kuwera wajimiruwa ndiri kuliya shiboga shishilaviwitwi kwa Mlungu, mpaka paweri na mtambika yakaweza kwamuwa kwa libuwi lya Urimu na Tumimu. 64 Wantu woseri yawawuyiti kulawa muuhamisiwu waweriti elufu alubayini mbili miya tatu sitini, 65 Viraa virii, kuweriti na wantumintumi wapalu na wadala elufu saba miya tatu selasini na saba na yawimba wapalu kwa wadala, waweriti miya mbili. 66 Kuweriti na farasi miyasaba selasini na sita, nyumbu farasi miya mbili alubayini na mhanu, 67 Ngamiya miya msheshi selasini na mhanu na punda elufu sita miya saba ishilini.

68 Wantu awa yawalawiti muuhamisiwu, pawasokiti kunumba ya Mtuwa Mlungu kumji gwa Yerusalemu, wamu wa wakulu wa nkolu azi walaviyiti malaviwu ga kufira weni su kumtanga unyawa wa numba ya Mlungu mu Yerusalemu palii payiweriti kwanja. 69 Kila muntu kalaviyiti ntambu yakafira mweni. Walanga ya malaviwu aga iweriti kilu miya mhanu za zahabu, kilu elufu mbili miya nani za feza na nguwu miya yimu kwa watambika.

70 Su, watambika na Walawi na wamu wa wantu wamonga wanja kulikala kumji Yerusalemu na muvijiji vyakuyi. Na wayimba na walolera wa Numba Nkulu ya Mlungu na wantumintumi wa Numba Nkulu ya Mlungu wanja kulikala kumiji yawu na Waisraeli woseri walikaliti mumiji yawu.