1 Ezra pakaweriti kankuluwa na kuleka vidoda agawu pakalira na kuligusiya makukama kulongolu kwa Numba Nkulu ya Mlungu, Waisraeli wavuwa, wapalu na wadala na wana, wajojonikiti pakwegera na yomberi pawalira kwa hinginika nentu. 2 Shakapanu Shekania, mwana gwa Yehieli gwa lukolu lwa Eramu, kamgambira Ezra, "Twahera waminika kwa Mlungu kwa kuyuga wadala washihenga, kumbiti ata hangu kwana litumbiru kwa wantu wa Israeli. 3 Hangu na tutendi lipatanu na Mlungu gwetu, tulekani na wadala awa pamuhera na wana wawu, kwa kufata galii yagulongiti na galii gawalongi wantu wamonga yawajimira lagiru za Mlungu. Goseri gatendekiti handa lagiru ntambu yalilongiti. 4 Gugoloki, gutendi mlandu agu, twenga twa pamuhera na gwenga. Hangu gulipanani moyu gutendi hangu,"

5 Ezra kanja kwa kuwalapiziya watambika na wakulu na Walawi na Waisraeli wamonga woseri handa hawatendi ntambu yawatakuliti, na womberi wajimira kulilapa. 6 Shakapanu, Ezra kawuka kulongolu kwa numba ya Mlungu, kagenda ukaya kwa Yehohanani, mwana gwa Eliashibu. Ezra kaweriti aku pashiru poseri pota kuliya pota kulanda mashi, toziya ya makontola ga wantu yawalawiti muuhamisiwu wawera waminikandiri.

7 Libweru lilaviwitwi kila pahala muisi ya Yuda na kumji gwa Yerusalemu kuwera wantu woseri yawalawiti muuhamisiwu wajojoniki Yerusalemu. 8 Payiwera muntu yoseri hakasindi kusoka mushaka sha mashaka matatu handa wakulu ntambu yawalongiti, lunda zakuyi zoseri zipokwi, namweni hakaberuwi kuwera pamuhera na wantu yawawuyiti kulawa muuhamisiwu. 9 Mumashaka aga matatu, wantu woseri yawalikaliti muisi ya Yuda na Benjamini wasokiti Yerusalemu na kujojonika muluwaga lwa numba ya Mlungu mulishaka lya ishilini lya mwezi gwa tisa. Wantu woseri weriti pawalendemera toziya ya mlandu gwawashemilitwi na mvula ivuwa yayiweriti payitowa.

10 Mtambika Ezra kagoloka kayowera na wantu, kawagambira, "Muweritindiri mwaminika kwa kuyuga wadala wa shihenga, hangu muyiyongelera ntambu yetu yakuliwona twana likosa mu isi ya Israeli." 11 Vinu, moyi vidoda vyenu kulongolu kwa Mtuwa Mlungu, "Mlungu gwa wambuyi wenu na kugatenda galii yagamfiriziya. Mlituli gweka na wanalushi wa isi ayi na kuwaleka wadala wenu wa shihenga."

12 Wantu woseri wabota na kwankula kwa pamuhera, ndo teratera! "Twankutenda ntambu yagulongiti". 13 Kumbiti wongera kulonga, "Wantu awa ndo wavuwa na mvula yangutowa nentu. Tuwezandiri kwendeleya kugoloka panu paluwaga na toziya mlandu agu hagumalilikindiri kwa lishaka limu ama mawili! Toziya wavuwa wetu panu tutenda mlandu agu. 14 Mbaka wakulu wetu wasigala Yerusalemu kugutendera mlandu agu toziya ya wantu woseri. Shakapanu, kila yumu yakayugiti mdala kulawa isi imonga na kizi mulishaka lyalitulitwi na kizi na mdala gwakuyi na wakulu na watoza wa mji gwakuyi, mpaka maya ikalipa ya Mlungu gwetu payiwusiwa kwa twenga." 15 Kwahera muntu yakalemiti mlandu agu, ila Yonatani, mwana gwa Asaheri na Yazeya, mwana gwa Tikwa womberi walemiti mlandu agu, Meshulamu na Shabetayi gwa wiwuka wa Lawi, womberi waweriti pamuhera nawu.

16 Wantu woseri yawawuyiti kulawa muuhamisiwa wajimiliti mlandu agu, hangu mtambika Ezra kawasyaguliti wapalu pakati ya wakulu wa nkolu gwekagweka na kagalemba matawu gawu. Palisokiti lishaka lya tatu lya mwezi gwa kumi, wantu woseri wanjiti lihengu lya ulolalola wa mlandu agu, 17 mulishaka lya kwanja lya mwezi gwa kwanja, waweriti wamalira kala ulolalola wawu kwa wapalu woseri yawaweriti wayuga wadala wa shihenga.

18 Ayi ndo walanga ya wapalu yawaweriti wayuga wadala washihenga: Watambika kulinganira na nkolu zawu:

Lukolu lwa Yoshuwa, mwana gwa Yehosadaki na walongu wakuyi waweriti; Maaseya na Eliezeri na Yaribu na Gedalia. 19 Awa watakuliti hawawaleki wadala wawu na kila yumu hakalaviyi tambiku za kondolu shipalu kwa shidoda shakuyi.

20 Watambika wa Lukolu lwa Imeri kaweriti: Hanani na Zebadia.

21 Watambika wa Lukolu lwa Harimu kaweriti: Maaseya na Eliya na Shemaya na Yehieli na Uziya,

22 Watambika wa Lukolu lwa Pashuri waweriti: Eliehoenai na Maaseya na Ishimaeli na Netaneli na Yozabadi na Elasa. 23 Walawi yawayugiti wadala wa shihenga waweriti:

Yozabadi na Shimeyi na Kelaiya viraavirii wamshemiti Kelita, Petahiya na Yuda na Eliezeri 24 Wayimba yawayugiti wadala wa shihenga waweriti:

Eliashibu. Walolera wa numba nkulu ya Mlungu yawayugiti wadala wa shihenga waweriti:

Shalumu na Telemu na Uri. 25 Wantu wamonga

kulawa lukolu lwa Paroshi yawayugiti wadala wa shihenga waweriti: Ramia na Izia na Malikiya na Miyamini na Eleazari na Malikiya na Benaya.

26 Lukolu lwa Eramu yawayugiti wadala wa shihenga waweriti: Mataniya na Zekaria na Yehieli na Abudi na Yeremoti na Eliya.

27 Lukolu wa Zatu yawayugiti wadala wa shihenga waweriti: Eliehoenai na Eliashibu na Matania na Yeremoti na Zabadi na Aziza.

28 Lukolu lwa Bebayi yawayugiti wadala wa shihenga waweriti: Yehohanani na Hananiya na Zabayi na Atilayi.

29 Ukolu lwa Bani yawayugiti wadala wa shihenga waweriti: Meshulamu na Maluki na Adaya na Yashubu na Sheyali na Yeremoti,

30 Lukolu lwa Pahati Moabu yawayugiti wadala wa shihenga waweriti: Adina na Kelali na Benaya na Maaseya na Mataniya na Besaleli na Binuyi na Manase.

31 Lukolu lwa Harimu luweriti yawayugiti wadala wa shihenga waweriti: Eliezeri na Ishiya na Malikiya na Shemaya na Shimeoni, 32 Benjamini na Maluki na Shemariya.

33 Lukolu lwa Hashumu yawayugiti wadala wa shihenga waweriti: Matenayi na Matata na Zabadi na Elifeleti na Yeremayi na Manasi na Shimeyi.

34 Lukolu lwa Bani yawayugiti wadala wa shihenga waweriti: Maadayi na Amramu na Ueli, 35 Benaya na Bedeya na Keluhi, 36 Waniya na Meremoti na Eliashibu, 37 Mataniya na Matenayi na Yaasu.

38 Lukolu lwa Binuyi yawayugiti wadala wa shihenga waweriti : Shimeyi, 39 Shelemia na Natani na Adaya, 40 Makinadebayi na Shashayi na Sharayi, 41 Azareyi na Shelemiya na Shemariya, 42 Shalumu na Amariya na Yosefu.

43 Lukolu lwa Nebo yawayugiti wadala wa shihenga waweriti: Yeieli na Matitiya na Zabadi na Zebina na Yadayi na Yoeli na Benaya,

44 Wapalu woseri awa wayugiti wadala wa shihenga. Su wawaleka wadala awa wawuki pamuhera na wana wawu.