1 Palo Avimeleh, po than e sudijasko avilo o Tola te spasil o Izrael. Vo sas andar e Isaharesko pleme, e Puesko čhavo, a e Dodosko unuko. Trajilas ando Šamir, ande Efremešće gore. 2 O Tola sas sudija ando Izrael biš thaj trin brš, a askal mulo thaj sas prahome ando Šamir.

3 Palo Tola, po than e sudijasko avilo o Jair andar e phuv Gilad. Vo sas sudija ando Izrael biš thaj duj brš. 4 Sas les trijanda čhave, save jašinas pe trijanda magarcurja. Von inćarenas trijanda gava ande phuv Gilad, savo dži ađes ađeste akhardon Jairošće gava. 5 Kana o Jair mulo, sas prahome ando Kamon.

6 E Izraelcurja palem teljardine te ćeren okova so si bilačhe ande GOSPODEŠĆE jakha. Služinas e Vaalešće thaj e Astartenđe, a vi e devlenđe andar o Aram, Sidon, Moav, Amon thaj Filisteja. Mukline e GOSPODE thaj či majbut služinas lešće.

7 O GOSPOD holjajlo pe Izraelcurja thaj dija len ande vas e Filijstejenđe thaj e Amoncenđe. 8 Godova brš e Filistejcurja thaj e Amoncurja pobedisardine thaj čhutine talo robstvo e Izraelcen. Dešuohto brš mučinas sa e Izraelcen save trajinas istočno katar e reka Jordan ando Gilad, phuv e Amorejcenđi. 9 E Amoncurja nakhline vi pe okoja rig e reka Jordan te napadnin e Judasko, e Venjaminesko thaj e Efremesko pleme. Gajda e Izraelcurja arakhline pe ande bari nevolja.

10 Askal e Izraelcurja zavapisardine e GOSPODEŠĆE: "Grešisardam protiv tute, kaj muklam tut, amare Devle, thaj služisardam e Vaalenđe."

11 A o GOSPOD phendas e Izraelconenđe: "Kana e Egipćanurja, e Amorejcurja, e Amoncurja, e Filistejcurja, 12 e Sidoncurja, e Amalečanurja thaj e Maoncurja mučinas tumen thaj kana zavapisardine manđe, či li spasisardem tumen andar lenđe vas? 13 Ali tumen mukline man thaj služinas aver devlenđe. Zato či kamav palem te oslobodiv tumen. 14 Džan thaj roven angle aver devla saven korkoro odabirisardine tumenđe. Neka von spasin tumen kana sen ande nevolje!"

15 Ali e Izraelcurja phendine e GOSPODEŠĆE: "Grešisardam. Ćer amenca sago kaj gndis kaj si lačhe, samo molis tut, ađes još spasi men."

16 Askal e Izraelcurja čhudine pestar avrenđe devlen, pa služisardine e GOSPODEŠĆE. A o GOSPOD majbut naštik te dikhla sar e Izraelcurja patin.

17 Kana e Amoncurja akhardine e vojska te ćidel pe, pa utaborisajle ando Gilad, e Izraelcurja ćidine pe thaj utaborisajle ande Micpa.

18 Askal e giladske vođe phendine jek avrenđe: "Okova savo inđarel e theme ande bitka pe Amoncurja, neka avel vladari pe sa e manuša andar o Gilad."