1 Jekhvar o Samson đelo ando gav Gaza. Okote dikhla jek bludnica, pa suta lasa.

2 E manušenđe andar e Gaza sas phendo: "O Samson avilo ando gav!"

Von askal opkolisardine o gav thaj sasti rjat garade ažućarenas les ke gavešći kapija. Godoja rjat khanči či ćerdine thaj ande detharin kamline te napadnin e Samsone.

3 Ali o Samson okote pašljolas samo dži ke opaš e rjat. Ande opaš e rjat uštilo thaj astarda e gavešći kapija zajedno e dovratkosa thaj e sastrune šipkenca. Inkalda len, čhuta len pe dume thaj inđarda len po vrho jećhe bregosko savo si po drom karingal o gav Hevron.

4 Pale godova, o Samson zaljubisajlo ande manušnji andar e dolina Sorek savi akhardolas Delila.

5 E filistejske vladarja aviline late thaj phendine: "Dik te crdes lestar kaj garadol lešći bari snaga, sar šaj te phandas les thaj svladis les. Gajda pokorisa les, a pale godova svako amendar dela tut milja thaj šel rupune lovora."

6 Gajda e Delila phučla e Samsone: "Moliv tu, phen manđe, kaj garadol ćiri bari snaga? Thaj sar vareko šaj te phandel tut thaj svladil tut?"

7 A o Samson phendas laće: "Kana phanglinesas man e efta sirove dorjenca palo luko save još či šućile, oslabisardemas thaj postanisardemas nemoćno sago bilo savo aver manuš."

8 Askal e filistejske vladarja dine lat efta sirove dorja palo luko, save još či šućile, thaj voj lenca phanglas e Samsone.

9 Dok ande aver soba e manuša ažućarenas garade, voj čhuta lešće muj: "Samsone, ake e Filistejcurja džan pe tute!"

Ali vo čhinda e dorja sago e thava kana si paše jag. Gajda e tajna pale lešći snaga ačhili garadi.

10 E Delila phendas e Samsonešće: "Ćerdan dili mandar thaj hohadan man. Hajde, akana phen manđe sova trubujas te phanden tut."

11 Vo phendas: "Kana čvrsto phandadinesas man e neve dorjenca save nas koristime, oslabisardemas thaj postanisardemas nemoćno sago bilo savo aver manuš."

12 Askal e Delila lija neve dorja thaj phangla les lenca.

Dok ande aver soba e manuša ažućarenas garade, voj čhuta lešće muj: "Samsone, ake e Filistejcurja džan pe tute!"

Ali vo čhinda e dorja e vastendar sago kaj si thava.

13 E Delila phendas e Samsonešće: "Stalno ćeres dili mandar thaj hohaves man. Phen manđe sova trubujasas te phanden tut."

Vo phendas: "Kana efta khuvde pramenurja mungre bal čhutanas ando strojo palo tkanje thaj pričvrstis len e klinosa, oslabisardemas thaj postanisardemas nemoćno sago svako aver manuš."

14 Dok o Samson suta, e Delila efta pramenurja lešće bal tkalisarda ando strojo palo tkanje, pričvrstisarda len e klinosa pa čhuta muj: "Samsone, ake e Filistejcurja aven pe tute!"

Ali vo trngosajlo andar o suno thaj oslobodisarda pire bal andar o strojo palo tkanje.

15 Askal e Delila phendas lešće: "Sar šaj phenes manđe kaj volis man, a či kames te poveris tut manđe? Već trin drom ćerdan dili mandar thaj či phendan manđe kaj garadol ćiri bari snaga."

16 Gajda dosadilas lešće svako đes dok či lija pe lešće po šoro. 17 Askal o Samson poverisajlo laće: "E britva nikada či nakli prekal mungro šoro, kaj sem nazirejo, odvojime palo Del još dok semas ando đi mungre dejako. Kana vareko ranglasas mungro šoro, muklasas man e snaga, pa postanisardemas nemoćno sago vi svako manuš."

18 Kana e Delila dikhla kaj iskreno poverisajlo laće, poručisarda e filistejske vladarenđe: "Aven još jekhvar, kaj iskreno phendas manđe piri tajna."

Gajda e filistejske vladarja aviline thaj andine laće e love. 19 Kana e Delila sovljardas e Samsone pe pire angalja, voj akhardas jećhe manuše te čhinel katar lesko šoro efta khuvde pramenurja. Gajda o Samson počnisarda te slabol thaj e snaga mukla les.

20 Askal voj čhuta muj: "Samsone, ake e Filistejcurja džan pe tute!"

Vo trngosajlo andar o suno thaj gndisarda: "Crdava man sago vi majsigo thaj oslobodiva man."

Ali či džanglas kaj o GOSPOD mukla les.

21 Askal e Filistejcurja astardine les, inkaldine lešće jakha thaj inđardine les ande Gaza. Phangline les e duple bronzane lancenca thaj dine les te meljil o điv ande tamnica.

22 Ali e bal pe lesko šoro palem teljardas te barjol lešće.

23 E filistejske vladarja ćidine pe te den bari žrtva pire devlešće e Dagonešće thaj te veselin pes.

Phenenas: "Amaro del dija men ande vas amare dušmanes e Samsone."

24 Kana o them dikhla e Samsone, slavinas pire devle. Phenenas: "Amaro del dija men ande vas amare dušmanes, savo opustošisarda amari phuv thaj mudarda gaći but amare manušen."

25 Dok gajda veselinas pe, čhutine muj: "Akharen e Samsone te zabavil amen!"

Askal akhardine e Samsone andar e tamnica thaj marenas muj lestar.

Askal čhutine les maškar e stuburja, 26 a o Samson phendas e slugašće savo inđarelas les palo vas: "Inđar man okote te opipiv e stuburja pe save ačhel o hramo, te nasloni man pe lende."

27 A o hramo sas pherdo manuša thaj manušnja. Sa e filistejske vladarja sas okote, a po krovo sas varekaj oko trin milje manuša thaj manušnja save dićhenas e Samsone sar zabavil len.

28 O Samson zavapisardas e GOSPODEŠĆE: "GOSPODE, de tut gođi mande. Moliv tut, Devla, samo još jekhvar de man zor te osveti man e Filistejcenđe pale mungre jakha."

29 Askal o Samson astardas e duj stuburja save ačhenas maškare ando hramo, oduprisajlo pe lende, e levo vastesa pe jek, a e desno vastesa pe aver, 30 thaj čhuta muj: "Neka merav e Filistejcenca!"

Spidas e stuburja pire saste snagava thaj o hramo pelo pe vladarja thaj po them savo sas ćidino ande leste. Gajda o Samson mudardas majbut manušen nego dok sas džudo.

31 Askal pale leste aviline lešće phral thaj sasti lešći familija, pa inđardine les thaj prahosardine les maškar e gava Core thaj o Eštaol ando limori lešće dadesko e Manoahesko.

O Samson sas sudija ando Izrael biš brš.