Daniel 11

16 ଲାଡ଼ାଇନିଃ ଆୟାଃ ଆପ୍‌ନାଃ ସୁକୁଃ ଲେକା ରିକାୟାଏ, ଜେତାଏ ଆୟାଃ ବିରୁଧ୍‌ରେ କାକ ତିଙ୍ଗୁ ଦାଡ଼ିୟା। ଏନ୍‌ ସୁଗାଡ଼ାନ୍‌ ଦିଶୁମ୍‌ରେ ଇନିଃ ଆପାନ୍‌କେ ପୁରାଃ କେଟେୟାନ୍‌ ଓଡ଼ୋଃ ପେଡ଼େୟାନ୍‌ଗି ବାଇୟେନା, ଆୟାଃ ତିଃଇରେ ପୁରାଃ ଜିୟନ୍‌ ରିକାରାଃ ଆକ୍‌ତେୟାର୍‌ ତାଇନାଃ।

17 ଇନିଃ ଆୟାଃ ଆପ୍‌ନାଃ ଗଟା ରାଇଜ୍‌ରେୟାଃ ପେଡ଼େଃଲଃ ହିଜୁଃ ନାଗେନ୍ତେ ଇଛା ସାନାଙ୍ଗ୍‌ ରିକାୟାଏ ଓଡ଼ୋଃ ଆୟାଃଲଃ ସାଧାସିଧା ହଡ଼କ ହିଜୁଃଆକ। ଇନିଃ ଆୟାଃ ଇଛାସାନାଙ୍ଗ୍‌ ଲେକା ରିକାଏୟା। ରାଇଜ୍‌କେ ଜିୟନ୍‌ ରିକା ନାଗେନ୍ତେ ଇନିଃ ଆୟାଃ ହନ୍‌କୁଡ଼ିକେ ଇନିଃଲଃ ଆଣ୍‌ଦିୟାଏ, ମେନ୍‌ଦ ଆୟାଃ ଉହାଟ୍‌ କା ପୁରାଅଃଆ ଚାଏ ଆୟାଃ ଜେତ୍‌ନାଃରେ ଦେଙ୍ଗା କା ହିଜୁଃଆ।