17 Aba líchugun Wabungiute lualin ichügü luma gunfurandaü houn gádürü nibureintiña ha lun gunfuranda hamá sun tuwuyeri líburu luma sun lichú aau. Bóugudin luéi lira, gunfuranda lumuti Danieli lanichigu sun luwuyeri arufudúni luma uénedü. 18 Dan lagunfulirunbei dan le líchugubei urúei lun harufudaguba lan nibureintiña ha houngua lun, aba lanügüniña hábuti eseriwidutiña palasiurugu ligibugiñoun urúei. 19 Aba ladimurehan urúei hama, hadan súngubei madariti ni aban kei Danieli, Ananíasi, Misaeli luma Asaríasi, ábati herederun lun heseriwidun lun urúei.