Marcos 10

4 Aba hariñagun lun:

—Ariñagati Moisesi luagu gayara lan tichugúniwa gárada lánina ígiraguni tun úmari.

5 Aba lariñagun Hesusu houn:

—Líchugunbalin Moisesi gumadi lira hun ladüga tidere hanigi. 6 Anhein meha, dan le ladügünbalin Bungiu sun katei, "wügüri tuma würi ladügaña. 7 Ligía lígirubei lubéi wügüri lúguchi tuma lúguchu lun laganóuniwa tuma lúmari, 8 ábame herederun kei ábanrügü gürigia". Mámaaña lubeiti biama, ábanrügaaña. 9 Ligía moun lubéi lafanreinraguni wügüri le lóundarubei Bungiu.