25 Hádanti saragu gürigia ha, ñeinñoun aban würi sánditu, duusu irumu tau lau lésehan hitaü tídangiñe. 26 Súfuriharu saragu hámagiñe surusiagu ani wesi taali sun le túmati, mareidaguntu, gánwoungueinarügü ligía tisandi. 27 Aba taganbun ladimurehóun luagu Hesusu, aba tiabin lanagangiñe hadan saragu gürigia, aba taguurunu ladaüragun, 28 ladüga tariñagun túnguarügü: «Láurügüme naguurunu ladaüragun nareidaguba». 29 Lidan oura ligía, aba lerederun lésehan hitaü tuéi, aba tasandiragun tungua luagu areidaguaaru lan.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)