1 Lidan ligadürün lirumudiri lagumadihan Hoakimü le liráü Hosíasi, le lurúeite Hudá, sun aniha lan Baruku le liráü Neríasi abürühei le lariñagubei Heremíasi lun, aba lariñagun Heremíasi lun Baruku:

2,3 —Buguya Baruku, bariñahare: "Fugiabu au! Míchuti Aburemei amu katei nun luéidigia idiheri luma igarigu! Buchá nuagu ayahua, madaritina awalidaguni!" Lariñahare lubeiti Aburemei bibügürü, 4 ani lóunahañadina ariñaga: "Günringua numuti le nábunagubei, hulaguanéi le nábunubei. Ani ligiamémeba nadüga lau sun ubóu. 5 Busentibu san bamuriahan somu katei bungua le hanarimeguti? Málugagubeibei lugundun nóunaha lamiselu hawagun sun gürigia. Gama lumoun mígirunbadina lun bounwen le ñeinhin lumuti bidin. Au, le Aburemei ariñagubalin".