1 Anihán uganu le líchugubei Aburemei lun profeta Heremíasi habügürü Filistéana, lubaragiñebei lábürühan urúei Ehiptuna luagun Gasa:

2 «Nariñahare au, le Aburemei:

Anite abuluchuni nóruterugugiñe,

kei lidan labuinchun duna le héreti,

bulugüda lumuti ageiraü

luma sun le ladarirun lubarua,

uburugu burí hau ha aganóubaña lidan.

Sun lílana fulasu aba hagúarahan lau igarigu,

amumehatiña gürigia le hagarigu.

3 Danme haganbuni lamuri hagudi gabayu,

tirein karü luma lamuri tubalaba,

heferidirubei agübürigu erei,

ábame hígiruniña hasaanigu.

4 Ladüga chülühame weyu lun

hagumuchawaguagüdün Filistéana,

lun lagidarún Tiru luma Sidón hawéi,

ídemuei le yebe hámaraügilibei».

Lagünrinchagubaña Aburemei Filistéana

ha ñǘbuinbaña luéigiñe ubouhu le Küreta.

5 Helugüda hamuti lílana Gasa hábulugu,

rédeitiña lílana Asükalón maniñu.

Hagumuhóun wuriburuguna hígandeigu,

ídaba san hígirei híbaagun hungua arufudei higarigu?

6 Lefeinte Wabureme, ídaba san lagumucha báchuahan?

Beluyabá tidoun bagei, gálumaba, deregüdaguabá!

7 Gama lumoun, ida luba san tederaguagüdün,

rúhaliga Aburemei lúrudu tun,

anhein ariñagaali lubéi tun

lun tageindagun luma Asükalón

ageindaguame luma aüdü burí le kósurugubei?