Mateus 9

Lareidaguagüdün Hesusu bián marihintiña

27 Dan láfuridunbei Hesusu ñéingiñe, aba houdin bián wügüriña marihintiña lárigi, agúaraheina ítara:

—Gudeme wamá bun, buguya le ladügawagun Dawidi!

28 Dan lebelurunbei Hesusu múnadoun, aba hachülürün marihintiña hagía lumoun, aba lariñagun houn:

—Afiñetün san luagu gayara lan nareidaguagüdünün?

Aba hariñagun:

—Anha, afiñetiwa, Wabureme.

29 Aba laguuruni Hesusu hagu, aba lariñagun houn:

—Ítarala kei ligaburi hafiñen.

30 Aba léfegechun hagu, aba léredun Hesusu hawagu lun houchun lun masubudirúniwa lan luagu ligía lan agaranihabei houn.

31 Kei háfuridun ñéingiñe, aba habahüdaguni le ladügübei Hesusu lidan sun fulasu geyegua lau.