1 Mumulibulitsaje munu munya litumbilo lidodo, mulekaje kumubedala mahotso gake. 2 Vanu si vihwanaga kitumba, munu yumwe litumbilo lyake sinambe limulemetse kulya chila chinu, lechelelo hoyoli munu yunji ana litumbilo lidodo yo alyaga mboga tsa mahamba ng’ani. 3 Yula yo ankulya chila chinu alekaje kumubedala yula yo sinambe alye chila chinu. Nayo yo ankulya mboga tsa mahamba ng’ani alekaje kumuhiga yula yo ankulya chila chinu, kwasawuli Mulungu amudiche. 4 Heve uli nani mbaka umuhije mutantsi va munu yunji? Kwasawuli muvina vake ng’ani yo an’tsela kwima awu kugwa kwake. Nayo akwima kwa wukangatso kwasawuli Mutwa vake anvetsa kumwimya.