Daniel 6

ದಾನಿಯೆಲ್ ಸಿಂವಾಂಚ್ಯಾ ಗವಿತ್

1 ದಾರಿಯಾಸ್ ರಾಜಾನ್, ಅಪ್ಲ್ಯಾ ಸಗ್ಳ್ಯಾ ರಾಜ್ವಡ್ಯಾ ವರ್‍ತಿ ಎಕ್ಸೆ ವಿಸ್ ದೆಶಾಧಿಪತಿಯಾ ನೆಮಸ್ಲ್ಯಾನ್. 2 ರಾಜಾಕ್ ಕಾಯ್ಬಿ ಲುಕ್ಷಾನ್ ಹೊವ್ಚೆ ನ್ಹಯ್ ಮನುನ್ ತ್ಯಾ ದೆಶಾದಿಪತಿಯಾಂಚ್ಯಾ ವರ್‍ತಿ ತೆಂಚ್ಯಾಕ್ನಾ ಇಸಬ್ ಘೆತಲೆ ತಿನ್ ಮುಖಂಡಾ ನೆಮಸ್ಲ್ಯಾನ್, ತ್ಯಾ ಮುಖಂಡಾತ್ನಿ ದಾನಿಯೆಲ್ ಬಿ ಎಕ್ಲೊ ಹೊವ್ನ್ ಹೊತ್ತೊ. 3 ದಾನಿಯೆಲಾಕ್ ಲೈ ಬುದ್ದ್ ಹೊತ್ತ್ಯಾ ಸಾಟ್ನಿ ತೊ ಹುರಲ್ಲ್ಯಾ ಮುಖಂಡಾಕ್ನಿಚ್ಯಾಕಿಂತಾ ಅನಿ ದೆಶಾದಿಪತಿಚ್ಯಾಕಿಂತಾ ಲೈ ಬರೆ ಕಾಮ್ ಕರುಕ್ ಹೊಲೆ, ತಸೆ ಹೊವ್ನ್ ರಾಜಾನ್ ತೆಕಾ ಫುರಾ ರಾಜ್ವಾಡ್ಯಾಚ್ಯಾ ವರ್‍ತಿ ಅಧಿಕಾರಿ ಕರುಚೆ ಮನುನ್ ಚಿಂತಲ್ಯಾನ್. 4 ಅಸೆ ರ್‍ಹಾತಾನಾ ಮುಖಂಡಾನಿ ಅನಿ ದೆಶಾದಿಪತಿಯಾನಿ ಫುರಾ ರಾಜ್ಯಾಚಿ ಜವಾಬ್ದಾರಿ ವಾವುನ್ ಘೆವ್ನ್ ಕಾಮ್ ಕರ್‍ತಲ್ಯಾ ವಿಶಯಾತ್ ದಾನಿಯೆಲಾಚ್ಯಾ ವರ್‍ತಿ ಚುಕ್ ವಾವುಚೆ ಮನುನ್ ವಾಟ್ ರಾಕಿತ್ ಹೊತ್ತ್ಯಾನಿ, ಖರೆ ತೆಂಕಾ ಚುಕ್ ದಾಕ್ವುಕ್ ಎಳ್ ಗಾವ್ಕ್ ನಾ ಅನಿ ತೆಜ್ಯಾಕ್ಡೆ ಕಸ್ಲಿ ಚುಕ್ ಗಾವ್ಕ್ ನಾ, ತೊ ವಿಶ್ವಾಸಾನ್ ಹೊತ್ತೊ ಅನಿ ತೆಜ್ಯಾಕ್ಡೆ ಆಳ್ಸಿಪಾನ್ ಹೊಂವ್ದಿತ್, ಪಾಜೆ ಮನುನ್ ಕಾಡುನ್ ಥವ್ನ್ ಘೆತಲೆ ಹೊಂವ್ದಿತ್, ಕಸ್ಲಿ ಚುಕ್ಬಿ ಗಾವ್ಕ್ ನಾ. 5 ಮಾನಾ ಆಕ್ರಿಕ್ ತೆನಿ "ದಾನಿಯೆಲಾಚ್ಯಾ ವರ್‍ತಿ ಚುಕ್ ವಾವ್ಕ್ ಖಲೊಬಿ ಕಾರನ್ ಗಾಯ್ನಾ ಹೊಲ್ಲ್ಯಾ ತನ್ನಾ ಅಮಿ ತೆಜ್ಯಾ ದೆವಾಚ್ಯಾ ವಿಶಯಾತ್ ಕಾಯ್ ತರ್ಬಿ ಚುಕ್ ಹುಡ್ಕುಕ್ ಮನುನ್" ಬೊಲುನ್, 6 ಮುಖಂಡಾ ಅನಿ ದೆಶಾಧಿಪತಿಯಾ ಗೊಳಾ ಹೊವ್ನ್ ರಾಜಾಚ್ಯಾ ಇದ್ರಾಕ್ ಯೆವ್ನ್ ರಾಜಾ ದಾರಿಯಾಸ್ ಸದಾ ಝಿತ್ತೊ ಹೊವ್ನ್ ರಾ. 7 ಜೆ ಕೊನ್ ತರ್ ತಿನ್ ದಿಸ್ ರಾಜಾ ತುಕಾ ಸೊಡುನ್ ದುಸ್ರ್ಯಾ ದೆವಾಕ್ ಹೊಂವ್ದಿತ್ ನಾತರ್ ಮಾನ್ಸಾಕ್ ಹೊಂವ್ದಿತ್ ಮಾಗ್ನಿ ಕರ್ಲ್ಯಾರ್, ತ್ಯಾ ಮಾನ್ಸಾಸಾಕ್ ಸಿಂವಾಚ್ಯಾ ಗವಿತ್ ಘಾಲುಚೆ ಮನ್ತಲೊ ಖಡಕ್ ನೆಮ್ ರಾಜಾಚ್ಯಾ ಹುಕುಮಾ ಸಾರ್ಕೊ ತಿಯಾ ದಿವ್ಚೊ ಮನುನ್ ಸಗ್ಳ್ಯಾ ಮುಖಂಡಾನಿ, ಅಧಿಕಾರಿಯಾ, ಮಂತ್ರಿಯಾಂಚ್ಯಾ, ಅನಿ ದೆಶಾದಿಪತಿಯಾನಿ ಯೆವ್ಜನ್ ಕರ್ಲ್ಯಾನಿ. 8 ರಾಜಾ ಅತ್ತಾ ತಿಯಾ ಹ್ಯೊ ನೆಮ್ ಚಾಲ್ತಿಕ್ ಹಾನುನ್ ಹೆ ರದ್ದ್ ಕರಿನಾ ಸರ್ಕೆ ಮೆದಿಯಾಂಚ್ಯಾ ಅನಿ ಪಾರಶಿಯಾಂಚ್ಯಾ ನೆಮಾಚ್ಯಾ ಪ್ರಕಾರ್ ಹೊಯ್ ಸಾರ್ಕೆ ರುಜು ಕರ್ ಮನುನ್ ಸಾಂಗ್ತಾನಾ, 9 ತನ್ನಾ ದಾರಿಯಾಸ್ ರಾಜಾನ್ ಗುಂಡ್ಯಾನಿ ಲಿವಲ್ಲ್ಯಾ ನೆಮಾಕ್ನಿ ರುಜು ಘಾಟ್ಲ್ಯಾನ್. 10 ಗುಂಡ್ಯಾರ್ನಿ ಲಿವಲ್ಲ್ಯಾ ನೆಮಾಕ್ನಿ ರುಜು ಘಾಟಲ್ಲೆ ದಾನಿಯೆಲಾಕ್ ಕಳುನ್ ಯೆಲ್ಲ್ಯಾ ತನ್ನಾ ತೊ ಅಪ್ನಾಚ್ಯಾ ಘರಾಕ್ ಜಾವ್ನ್, ಜರುಜಲೆಮಾಕ್ಡೆ ದಾರಾ ಅನಿ ಕಿಡ್ಕಿಯಾ ನಸಲ್ಲ್ಯಾ ಅಪ್ನಾಚ್ಯಾ ಮಾಗ್ನಿಚ್ಯಾ ಖೊಲಿತ್ ಸದ್ದಾ ಕರ್‍ತಲ್ಯಾ ಸಾರ್ಕೆ ಎಕ್ ದಿಸಾಕ್ ತಿನ್ದಾ ಡಿಂಬಿಯಾ ಟೆಕುನ್ ಅಪ್ನಾಚ್ಯಾ ದೆವಾಕ್ ಸ್ತುತಿಚಿ ಮಾಗ್ನಿ ಕರ್ಲ್ಯಾನ್. 11 ತನ್ನಾ ತ್ಯಾ ಲೊಕಾನಿ ದಾನಿಯೆಲ್ ಅಪ್ನಾಚ್ಯಾ ದೆವಾಕ್ ಸ್ತುತಿಚಿ ಮಾಗ್ನಿ ಕರ್‍ತಲೆ ಬಗುನ್ ತೆನಿ ರಾಜಾಚ್ಯಾ ಇದ್ರಾಕ್ ಯೆವ್ನ್, 12 ರಾಜಾಚ್ಯಾ ಹುಕುಮಾಕ್ನಿ ಸಾಂಗುನ್ಗೆತ್ ರಾಜಾ ತಿಯಾಚ್ ನ್ಹಯ್, ಜೆ ಕೊನ್ ತಿಸ್ ದಿಸಾಚ್ಯಾ ಪತರ್ ತುಕಾ ಸೊಡುನ್ ದುಸ್ರ್ಯಾ ದೆವಾಕ್ನಿ ಹೊಂವ್ದಿತ್ ಮಾನ್ಸಾಕ್ನಿ ಹೊಂವ್ದಿತ್ ಮಾಗ್ನಿ ಕರ್ಲ್ಯಾರ್ ತೆಕಾ ಸಿಂವಾಚ್ಯಾ ಗವಿತ್ ಘಾಲುಚೆ ಮನುನ್ ನೆಮಾಕ್ನಿ ರುಜು ಘಾಟಲೈ ಮನುನ್ ಮನ್ತಾನಾ, ರಾಜಾನ್, ಹೊಯ್ ಮೆದಿಯಾಂಚ್ಯಾ ಅನಿ ಪಾರಸಿಯಾಂಚ್ಯಾ ದೆವಾಚ್ಯಾ ನೆಮಾಚ್ಯಾ ಸಾರ್ಕೆ ಹೆ ರದ್ದ್ ಹೊಯ್ ನಸ್ತಾನಾ ಘಟ್ ರ್‍ಹಾತಲೆಚ್ ಮನುನ್ ಜವಾಬ್ ದಿಲ್ಯಾನ್. 13 ತನ್ನಾ ತೆನಿ, ರಾಜಾ ಜುದೆಯಾತ್ನಾ ಬಂಧಿ ಕರುನ್ ಹಾನಲ್ಯಾತ್ಲೊ ದಾನಿಯೆಲ್ ಮನ್ತಲೊ ಎಕ್ಲೊ ತುಕಾ ಹೊಂವ್ದಿತ್ ತುಜಿ ರುಜು ಹೊತ್ತ್ಯಾ ನೆಮಾಕ್ನಿ ಹೊಂವ್ದಿತ್ ಧ್ಯಾನ್ ದಿನಸ್ತಾನಾ, ದಿಸಾಕ್ ತಿನ್ದಾ ಸ್ತುತಿಚಿ ಮಾಗ್ನಿ ಕರ್ತಾ ಮಟ್ಲ್ಯಾನಿ. 14 ರಾಜಾಕ್ ಹಿ ಗೊಸ್ಟಿಯಾ ಆಯ್ಕುನ್, ಲೈ ಬೆಜಾರ್ ಹೊಲೊ, ಅನಿ ತೆನಿ ಕಾಯ್ ತರ್ಬಿ ಕರುನ್ ದಾನಿಯೆಲಾಕ್ ಹುರ್ವುನ್ ಘೆವ್ಚೆ ಮನುನ್ ದಿಸ್ ಬುಡಿ ಪತರ್ ಕಟ್ಪಟ್ ಕರ್ಲ್ಯಾನ್. 15 ಹೆ ಕಳಲ್ಲ್ಯಾ ತನ್ನಾ, ತಿ ಲೊಕಾ ರಾಜಾಚ್ಯಾ ಇದ್ರಾಕ್ ಗೊಳಾ ಹೊವ್ನ್ ಯೆವ್ನ್, ಧನಿ ರಾಜಾನ್ ದಿಲ್ಲೆ ಖಲೆ ಹುಕುಮ್ ಹೊಂವ್ದಿತ್ ನಾತರ್ ನೆಮ್ ಹೊಂವ್ದಿತ್ ರದ್ದ್ ಹೊತಲೆ ನಾ ಮನ್ತಲೆ ನೆಮ್ ಮೆದಿಯಾ ಅನಿ ಪಾರಸಿಯಾತ್ನಿ ಹಾಯ್ ಮನುನ್ ತುಕಾ ಗೊತ್ತ್ ರಾಂವ್ದಿತ್, ಮನ್ತಾನಾ ರಾಜಾಚೊ ಹುಕುಮ್ ಹೊಲೊ. 16 ಮಾನಾ ದಾನಿಯೆಲಾಕ್ ಸಿಂವಾಚ್ಯಾ ಗವಿತ್ ಘಾಲುನ್ ಹೊಲೆ, ತನ್ನಾ ದಾರಿಯಾಸ್ ರಾಜಾನ್ ತಿಯಾ ಸದ್ದಿಬಿ ಸ್ತುತಿ ಕರ್‍ತಲ್ಯಾ ದೆವ್ ತುಕಾ ರಾಕ್ವನ್ ಕರುಂದಿತ್ ಮಟ್ಲ್ಯಾನ್. 17 ಲಗ್ಗುನಾಚ್ ಮೊಟೊ ಗುಂಡೊ ಹಾನುನ್ ಗವಿಚೆ ತೊಂಡ್ ಧಾಪುನ್ ಹೊಲೆ, ದಾನಿಯೆಲಾಚಿ ಗತ್ ದುಸ್ರಿ ಹೊಯ್ನಾ ಸಾರ್ಕೆ ರಾಜಾನ್ ಅಪ್ನಾಚ್ಯಾ ಛಪ್ಪ್ಯಾಚ್ಯಾ ಮುದ್ದಿನ್ ಅನಿ ಮುಖಂಡಾಚ್ಯಾ ಛಪ್ಪ್ಯಾಚ್ಯಾ ಮುದ್ದಿನ್ ತೆಕಾ ರುಜು ಘಾಟ್ಲ್ಯಾನಿ. 18 ಮಾನಾ ರಾಜಾನ್ ಅಪ್ನಾಚ್ಯಾ ಘರಾಕ್ ಜಾವ್ನ್ ಸಗ್ಳ್ಯಾ ನಮುನ್ಯಾಚಿ ವಾಜ್ಪಾ ಅಪ್ನಾಚ್ಯಾ ಇದ್ರಾಕ್ ಹಾನುನ್ ದಿ ನಸ್ತಾನಾ, ಉಪಾಸಿಚ್ ರ್‍ಹಾತ್ ಕಳದ್ಲ್ಯಾನ್, ತೆಕಾ ನಿಜುಚ್ ಯೆವ್ಕ್ ನಾ. 19 ದುಸ್ರ್ಯಾ ದಿಸಿ ರಾಜಾ ಉಜ್ವಾಡ್ತಾನಾಚ್ ಉಟುನ್ ಲಗ್ಗುನಾಚ್ ಸಿಂವಾಚ್ಯಾ ಗವಿಚ್ಯಾ ಜಗ್ಗೊಳ್ ಗೆಲೊ. 20 ದಾನಿಯೆಲ್ ಹೊತ್ತ್ಯಾ ಗವಿಚ್ಯಾ ಜಗ್ಗೊಳ್ ಯೆವ್ನ್ ರಾಜಾನ್ ಲೈ ದುಕ್ಕಾಚ್ಯಾ ಧನಾನ್ ದಾನಿಯೆಲಾಕ್ ಬಲ್ವುನ್ "ದಾನಿಯೆಲಾ ಝಿತ್ತ್ಯಾ ದೆವಾಚ್ಯಾ ಸೆವಕಾ ತಿಯಾ ಸದಾ ಸ್ತುತಿಚಿ ಮಾಗ್ನಿ ಕರ್‍ತಲ್ಯಾ ದೆವಾನ್ ತುಕಾ ಸಿಂವಾಚ್ಯಾಕ್ನಾ ರಾಕ್ವನ್ ಕರ್ಲ್ಯಾನ್ ಕಾಯ್?" ಮನುನ್ ಇಚಾರ್‍ತಾನಾ, 21 ದಾನಿಯೆಲಾನ್ ರಾಜಾಕ್ ಸದ್ದಾ ಝಿತ್ತೊ ರಾ, 22 ಮಾಜ್ಯಾ ದೆವಾನ್ ಅಪ್ನಾಚ್ಯಾ ಧುತಾಕ್ ಧಾಡುನ್ ಸಿಂವಾಚೆ ತೊಂಡ್ ಬಂದ್ ಕರ್ಲ್ಯಾನ್, ಮಾಕಾ ತೆಂಚ್ಯಾಕ್ನಾ ಕಾಯ್ಬಿ ಲುಕ್ಷಾನ್ ಹೊವ್ಕ್ ನಾ, ಕಶ್ಯಾಕ್ ಮಟ್ಲ್ಯಾರ್, ಮಿಯಾ ತೆಜ್ಯಾ ದಿಸ್ಟಿಕ್ ಕಾಯ್ಬಿ ಚುಕ್ ನಸಲ್ಲೊ ಹೊವ್ನ್ ದಿಸ್ಲೊ ಅನಿ ರಾಜಾ ತುಕಾಬಿ ಮಿಯಾ ಕಾಯ್ಬಿ ಚುಕ್ ಕರುಕ್ ನಾ ಮಟ್ಲ್ಯಾನ್. 23 ತೆ ಆಯ್ಕುನ್ ರಾಜಾ ಲೈ ಖುಸಿ ಹೊವ್ನ್, ದಾನಿಯೆಲಾಕ್ ಗವಿತ್ನಾ ವರ್‍ತಿ ಕಾಡುಚೆ ಮನುನ್ ಹುಕುಮ್ ದಿತಾನಾ, ತೆಕಾ ಥೈತ್ನಾ ವರ್‍ತಿ ಕಾಡುನ್ ಹೊಲೆ, ತೆನಿ ಅಪ್ನಾಚ್ಯಾ ದೆವಾ ವರ್‍ತಿ ಬರ್ವೊಸೊ ಥವಲ್ಲ್ಯಾ ವೈನಾ ತೆಕಾ ಕಾಯ್ಬಿ ಹೊವ್ಕ್ ನಾ. 24 ತೆಜ್ಯಾ ಮಾನಾ ರಾಜಾಚ್ಯಾ ಹುಕುಮಾ ಸಾರ್ಕೆ ದಾನಿಯೆಲಾಚ್ಯಾ ವರ್‍ತಿ ಚುಕ್ ಸಾಂಗಲ್ಯಾಕ್ನಿ ತೆಂಚ್ಯಾ ಬಾಯ್ಕಾ ಪೊರಾಂಚ್ಯಾ ವಾಂಗ್ಡಾ ಹಾನುನ್ ಸಿಂವಾಚ್ಯಾ ಗವಿತ್ ಘಾಟ್ಲ್ಯಾನಿ, ತೆನಿ ಗವಿತ್ ಮುಳಾಕ್ ಜಾವ್ನ್ ಪಾವ್ತಲ್ಯಾ ಅದ್ದಿಚ್ ಸಿಂವಾನಿ ತೆಂಚ್ಯಾ ವರ್‍ತಿ ಹುಡುನ್ ತೆಂಚಿ ಹಡ್ಡಾ ಪುಡ್ ಕರ್ಲ್ಯಾನಿ. 25 ತನ್ನಾ ದಾರಿಯಾಸ್ ರಾಜಾನ್ ಜಗಾತ್ ವಸ್ತಿ ರ್‍ಹಾತಲ್ಯಾ ಸಗ್ಳಿ ಕುಳಿ ಭಾಶಾಚಿ ಲೊಕಾಂಚ್ಯಾ ಸಾಟ್ನಿ ಎಕ್ ಚಿಟ್ ಲಿವಸ್ಲ್ಯಾನ್, ತುಮ್ಕಾ ಆರಾಮ್ ಪಾನ್ ಲೈ ಹೊಂವ್ದಿತ್. 26 ಮಿಯಾ ರಾಜ್ವಟ್ಕಿ ಕರ್ತಲಿ ಸಗ್ಳಿ ಲೊಕಾ ದಾನಿಯೆಲಾಚ್ಯಾ ದೆವಾಕ್ ಸ್ತುತಿ ಕರುಚೆ ಮನುನ್ ಹುಕುಮ್ ಕರ್ತಾ, ತೊಚ್ ಝಿತ್ತೊ ದೆವ್ ತೆಜೊ ರಾಜ್ವಾಡೊ ಕನ್ನಾಬಿ ಸರಿನಾ ಅನಿ ತೆಚಿ ರಾಜ್ವಟ್ಕಿ ಸದಾ ಸರ್ವತಾಕ್ ರ್‍ಹಾತಾ. 27 ತೊ ಸಗ್ಳ್ಯಾಕ್ನಿ ಉದ್ದಾರ್ ಕರ್ತಲೊ, ಜಿಮ್ನಿ ವರ್‍ತಿ ಅನಿ ಮಳ್ಬಾತ್ ಅಜಾಪಾಚಿ ಕಾಮಾ ಕರ್ತಲೊ ಹೊವ್ನ್ ಹಾಯ್, ತೆನಿಚ್ ದಾನಿಯೆಲಾಕ್ ಸಿಂವಾಚ್ಯಾ ತೊಂಡಾತ್ನಾ ಚುಕ್ವುಲ್ಯಾನ್. 28 ದಾನಿಯೆಲ್ ರಾಜಾ ದಾರಿಯಾಸಾಚ್ಯಾ ರಾಜ್ವಾಡ್ಯಾತ್ ಅನಿ ಪಾರಸಿಯಾಚೊ ರಾಜಾ ಕೊರೆಸಾಚ್ಯಾ ರಾಜ್ವಾಡ್ಯಾತ್ಬಿ ಲೈ ಸನ್ಮಾನಾಚೊ ಅನಿ ಮಾನಾಚೊ ಮಾನುಸ್ ಹೊವ್ನ್ ರಾಲೊ.