1 Mmerɛ bɔ ɔtele stamp bɔ ɔtɔ so nzoo ne, anwuro yɛle dinn kɔyɛ dɔnhwere bue. 2 Na nwuni abɔfo nzoo bɔ begyina Nyameɛ nyunu ne, na bɛmane bɛ awɛen8:2 Anaa "Totorobɛndo." nzoo. 3 Afei abɔfo foforɛ bie wale, né otira sikaa kɔkorɛ kyɛnzee bɔ bɛfa bɛyera insɛns, ná oogyinane afɔleɛ bokyea nanwo berɛ. Yeɛ bɛmane ye insɛns pee kyɛ ɔfa boka akrongronfoɛ mbaeɛ naso, ná ɔfa bɔ afɔleɛ wɔ sikaa kɔkorɛ afɔleɛ bokyea bɔ ɔwɔ ɔhene bia8:3 Anaa "Ahennie bia." ne nyunu naso. 4 Na insɛns ne nwosina ne fili abɔfo ne sa nu, na ɔne akrongronfoɛ ne mbaeɛ ne hɔle Nyameɛ berɛ. 5 Na ɛberɛ ala, abɔfo ne fale kyɛnzee bɔ bɛfa bɛyera insɛns ne, na ɔfale afɔleɛ bokyea naso see ne bie guale nu maa oyili, na ogyi tole aseɛ naso. Na agralaa bobɔle nu, bɛtele konviɛ ahoroɛ, agralaa tetele yerɛm-yerɛm, na aseɛ wosolɛ wale.
6 Afei, abɔfo nzoo bɔ bɛtira awɛen nzoo ne boɔboale bɛ nwo kyɛ bɛbaahu b’awɛen ne.
7 Bɔ oli moa ne huli ye awɛen ne, na asukɔtwea ne see bɔ ɔne mogya ali afra wale, na bɛgyi bɛguale aseɛ naso. Na aseɛ ngyekyɛmue nza nu kõ yerale; mmakaa ngyekyɛmue nza nu kõ yerale, na ndire monɛ mukoraati yerale koraa.
8 Abɔfo bɔ ɔtɔ so nyɔ ne huli ye awɛen ne. Na bɛgyili nikye bie bɔ wayɛ kyɛ bokaa kandinga bɔ ɔyera bɛtole ɛpo nanu. Na ɛpo ne ngyekyɛmue nza nu kõ kakyile mogya, 9 na nningyein bɔ ngoa wɔ nu bɔ ɔwɔ ɛpo nanu ne, enu ngyekyɛmue nza nu kõ wuli, na hyep ngyekyɛmue nza nu kõ sɛkyele.
10 Abɔfo bɔ ɔtɔ so nza ne huli ye awɛen ne. Na nzramaa kandinga bie bɔ ɔsɔ te kyɛ kanea te fili anwuro, na ɔɔtɔle nzue bɔ ɔtengyɛ ngyekyɛmue nza nu kõ, ɔne nekaa bɔ nzue pukye fi ne. 11 Nzramaa ne dumaa li Abɔwee. Na nzue ngyekyɛmue nza nu kõ yɛle abɔwee, na nzue ne maa mmenia pee wuli, ofikyɛ né ɔyɛ wee.
12 Abɔfo bɔ ɔtɔ so nna ne huli ye awɛen ne. Na bɛfale nikye bɛbɔle eyia ngyekyɛmue nza nu kõ, ɛsraen ngyekyɛmue nza nu kõ, yeɛ nzramaa ngyekyɛmue nza nu kõ, kyɛbɔ ɔkɔyɛ a, bɛ nu ngyekyɛmue nza nu kõ konua, na aleheneɛ ngyekyɛmue nza nu kõ annya kanea, na kɔngɔen ngyekyɛmue nza nu kõ koso annya kanea.
13 Na nneane ne, ndele kyɛ kɔleɛ bie tea nu wɔ ewienu kyɛ: "Bɛ bɔ bɛtete aseɛ naso ne, bɛ yaakɔ! bɛ yaakɔ oo! bɛ yaakɔ! ɔnate awɛen ne ngaa bɔ abɔfo nza ne baahu ne dede nati."
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)