1 سّيوّ نَ مِشِيٍ بّ نَشٍيٍ حّرّ كِ تِنشِن،

نَشٍيٍ بِرَشِ عَلَتَلَ شَ سّرِيّ قْشْ رَ.

2 سّيوّ نَ مِشِيٍ بّ نَشٍيٍ عَلَ شَ مَسٍنيِ مّمَ،

نَشٍيٍ عَ قٍنمَ عٍ بْحّ بِرِن نَ.

3 نٍيٍ مُ تِنشِنتَرٍيَ رَبَمَ قٍقٍ مَ،

عٍ بِرَ مَ عَلَ شَ كِرَ نَن قْشْ رَ.

4 عِ بَرَ عِ سَفٌ مَسٍن مُشُ بّ،

عَلَكٌ مُشُ شَ مُشُ حْشْ سَ عَ شْن مَ عَ قَنيِ رَ.

5 ﭑ وَ مَ قٍ بِرِن نَبَقٍ

عَلَكٌ ﭑ شَ عِ شَ يَامَرِيٍ رَبَتُ.

6 نَ كُي ﭑ مُ قَمَ يَافِدٍ عِ وَشْنقٍ شَ قٍ رَ.

7 ﭑ نَ عِ شَ يَامَرِيٍ كٌلٌن،

ﭑ عِ بَتُمَ نّ ﭑ بْحّ قِيشّ رَ.

8 ﭑ عِ شَ يَامَرِيٍ رَتِنمّمَ نّ،

عِ نَشَ مّ ﭑ نَ كٍرٍنيِ رَ.

9 قٌنِكٍ حّرّ مَ سّنِيّنيِ كُي دِ؟

عَ بِرَ عِ شَ مَسٍنيِ قْشْ رَ.

10 ﭑ عِ قٍنمَ ﭑ بْحّ بِرِن نَن نَ.

عِ نَشَ ﭑ لُ ﭑ شَ مَكُيَ عِ شَ يَامَرِيٍ رَ.

11 ﭑ عِ شَ مَسٍنيِ رَفَتَمَ نّ ﭑ بْحّ مَ،

عَلَكٌ ﭑ نَشَ يُنُبِ رَبَ عِ رَ.

12 مَتْشْي نَ عِ بّ عَلَتَلَ.

عِ شَ يَامَرِيٍ مَسٍن ﭑ بّ.

13 ﭑ عِ شَ سّرِيّ دُرُ سِمَ نّ،

عِ نَشَن مَسٍنشِ عِ كّرّ رَ.

14 ﭑ سّيوَشِ بِرَقٍ رَ عِ شَ مَسٍنيِ قْشْ رَ،

عَلْ ﭑ نَ قِندِ بَننَ بٍلٍبٍلٍ رَ.

15 ﭑ ﭑ حْشْ سَشِ عِ سَفٌ شْن مَ،

ﭑ عِ شَ كِرَ مَتٌمَ نّ.

16 عِ شَ يَامَرِيٍ رَقَن ﭑ مَ،

ﭑ مُ نّيمُمَ عِ شَ مَسٍنيِ مَ.

17 قٍ قَنيِ رَبَ ﭑ تَن، عِ شَ كٌنيِ دِ بّ،

عَلَكٌ ﭑ شَ كِسِ، ﭑ شَ عِ شَ مَسٍنيِ رَتِنمّ.

18 ﭑ يَ رَبِ عَلَكٌ ﭑ شَ عِ شَ سّرِيّ قَنيِ عِفبّ.

19 شْحّ نَن لَنشِ ﭑ مَ يِ دُنِحَ مَ،

عِ نَشَ عِ شَ يَامَرِيٍ نْشُن ﭑ مَ.

20 ﭑ هَيِ نَ عِ شَ تِنشِنيِ مَ.

21 عِ عِ شُي رَتٍمَ يّتّ عِفبٌي شِلِ مَ،

مِشِ دَنكَشِ نَشٍيٍ عِ شَ يَامَرِيٍ رَبّحِنمَ.

22 عِ شَ ﭑ نَتَنفَ يَافِ نُن مَرَحَاشُي مَ،

بَرِ مَ ﭑ عِ شَ مَسٍنيِ سُشُشِ.

23 هَلِ مَنفّيٍ ﭑ تْوحّفّمَ،

عِ شَ كٌنيِ دِ عَ حْشْ سَمَ نّ عِ شَ يَامَرِيٍ نَن شْن مَ.

24 عِ شَ مَسٍنيِ رَقَن ﭑ مَ،

عٍ ﭑ نَسِمَ عَ قَنيِ رَ.

25 ﭑ نَ تْورّ شُنفبٍ كُي.

يَندِ، عِ شَ ﭑ نَكِسِ عِ شَ مَسٍنيِ رَ.

26 ﭑ تٌ ﭑ مَ حّرّ كِ مَسٍن عِ بّ، عِ ﭑ يَابِ نّ.

يَندِ، عِ شَ عِ شَ يَامَرِ مَسٍن ﭑ بّ.

27 ﭑ مَلِ عِ سَفٌ قَهَامُقٍ رَ،

عَلَكٌ ﭑ شَ ﭑ حْشْ سَ عِ شَ كَابَنَكٌي شْن مَ.

28 ﭑ نَ وَقٍ نِمِسّ مَ.

ﭑ شُن نَكٍلِ عَلْ عِ عَ لَايِدِشِ كِ نَشّ.

29 وُلٍ قَلَقٍ مَكُيَ ﭑ نَ.

هِننّ ﭑ نَ عِ شَ سّرِيّ سَابُي رَ.

30 ﭑ بَرَ دُفُتّفّحَ كِرَ سُفَندِ،

ﭑ بْحّ بِرَ مَ عِ شَ سّرِيّ نَن قْشْ رَ.

31 عَلَتَلَ، ﭑ شِرِشِ عِ شَ سّرِيّ نَن نَ،

عِ نَشَ ﭑ لُ يَافِ كُي.

32 ﭑ نَ ﭑ حّرّقٍ عِ شَ يَامَرِيٍ شَ كِرَ نَن شْن مَ،

بَرِ مَ عِ بَرَ عَ نِيَ عِ وَشْنقٍ شَ لُ ﭑ بْحّ مَ.

33 عَلَتَلَ، ﭑ مَتِنشِن عِ شَ يَامَرِيٍ رَ،

عَلَكٌ ﭑ شَ لُ عِ شَ كِرَ شْن مَ ﭑ مَ سِمَيَ بِرِن كُي.

34 شَشِلِ قَنيِ قِ ﭑ مَ،

عَلَكٌ ﭑ شَ ﭑ حْشْ سَ عِ شَ سّرِيّ شْن مَ،

ﭑ مَن شَ عَ رَبَتُ ﭑ بْحّ بِرِن نَ

35 ﭑ نَحّرّ عِ شَ يَامَرِيٍ شَ كِرَ شْن مَ،

بَرِ مَ عٍ رَقَن ﭑ مَ

36 ﭑ بْحّ رَقِندِ عِ شَ مَسٍنيِ مَ،

عِ نَشَ عَ رَقِندِ بَننَيَ تِنشِنتَرٍيَ مَ.

37 ﭑ يَيٍ بَ سٍيٍ رَ نَشٍيٍ حْنمَ،

ﭑ نَكِسِ عِ شَ كِرَ شْن مَ.

38 عِ شَ لَايِدِ رَكَمَلِ عِ شَ كٌنيِ دِ بّ،

عِ نَشَن نَفَتَشِ عِ يَرَفَاشُييٍ يَ رَ.

39 ﭑ بَ يَافِ كُي ﭑ فَاشُشِ نَشَن يَ رَ،

بَرِ مَ عِ شَ سّرِيّ قَن.

40 ﭑ وَ مَ بِرَقٍ عِ شَ مَسٍنيِ قْشْ رَ عَ قَنيِ رَ.

ﭑ نَكِسِ عِ شَ تِنشِنيِ كُي.

41 عَلَتَلَ، قَ عِ شَ شَنُنتٍيَ نُن عِ شَ كِسِ رَ ﭑ بّ،

عَلْ عِ عَ لَايِدِ كِ نَشّ.

42 نَ تّمُي، ﭑ نْمَ نّ ﭑ مَبٍرٍ مَ يَابِدٍ،

بَرِ مَ ﭑ تَن لَشِ عِ شَ مَسٍنيِ رَ.

43 عِ نَشَ نْندِ مَسٍنيِ بَ ﭑ دّ عِ،

بَرِ مَ ﭑ شَشِلِ تِشِ عِ شَ كِيتِ رَ.

44 ﭑ عِ شَ سّرِيّ رَبَتُمَ نّ عَبَدَن.

45 ﭑ لُمَ شْرّيَ نَن كُي،

بَرِ مَ ﭑ نَ عِ سَفٌ نَن قٍنقٍ.

46 ﭑ عِ شَ مَسٍنيِ قَلَمَ نّ مَنفّيٍ بّ،

ﭑ مُ قَمَ لُدٍ يَافِ كُي.

47 بِرَقٍ عِ شَ يَامَرِيٍ قْشْ رَ، نَ رَقَن ﭑ مَ.

48 ﭑ نَ ﭑ بّلّشّيٍ عِتٍمَ تَنتُي رَ

عِ شَ يَامَرِيٍ شَ قٍ رَ، نَشٍيٍ رَقَن ﭑ مَ.

ﭑ وَ مَ ﭑ حْشْ سَقٍ عِ شَ سّرِيّيٍ شْن مَ.

49 عِ شَ رَتُ عِ شَ مَسٍنيِ مَ،

عِ نَشَن مَسٍن عِ شَ كٌنيِ دِ بّ،

نَشَن شَشِلِ سَ قِمَ ﭑ مَ يَرٍ.

50 ﭑ مَدُندُ مَ ﭑ مَ تْورّ كُي

عِ شَ لَايِدِ نَن سَابُي رَ.

51 يّتّ عِفبٌي ﭑ مَيٍلٍمَ نّ،

كْنْ ﭑ مُ عِ شَ سّرِيّ كِرَ بّحِنمَ.

52 عَلَتَلَ، ﭑ تٌ ﭑ نَتُ عِ شَ كِيتِ تِنشِنشِيٍ مَ

عِ نَشَن سَشِ تّمُي دَنفِشِ،

ﭑ بْحّ لِمَنِيَمَ نّ.

53 ﭑ بْحّ تٍشِ عَ حَاشِ رَ تِنشِنتَرٍيٍ شِلِ مَ

نَشٍيٍ عِ شَ سّرِيّ رَبٌلٌمَ.

54 ﭑ سَبَتِ دّدّ، ﭑ بّيتِ بَمَ نّ عِ شَ يَامَرِيٍ شَ قٍ رَ.

55 كْي رَ ﭑ نَ ﭑ نَتُمَ نّ عِ شِلِ مَ.

عَلَتَلَ، ﭑ قَمَ نّ عِ شَ سّرِيّيٍ رَتِنمّدٍ.

56 ﭑ دَرِشِ عِ سَفٌ رَبَتُقٍ نَن نَ.

57 عَلَتَلَ، عِ تِدٍ فبٌ ﭑ بّ.

ﭑ بَرَ لَايِدِ تٌنفٌ عِ شَ مَسٍنيِ رَبَتُقٍ رَ.

58 ﭑ وَ مَ لُقٍ عِ سّيتِ مَ ﭑ بْحّ بِرِن نَ.

هِننّ ﭑ نَ عَلْ عِ عَ مَسٍن كِ نَشّ.

59 ﭑ تٌ ﭑ حّرّ كِ مَتٌ،

ﭑ بَرَ فبِلٍن عِ شَ مَسٍنيِ مَ.

60 ﭑ فبَتَمَ نّ،

ﭑ مُ دُفُندِ مَ عِ شَ يَامَرِيٍ رَبَتُقٍ رَ.

61 هَلِ مِشِ حَاشِيٍ كَنكَن ﭑ مَ،

ﭑ مُ نّيمُمَ عِ شَ سّرِيّيٍ مَ.

62 كْي تَفِ، ﭑ كٍلِمَ نّ، ﭑ عِ مَتْشْ عِ شَ كِيتِ تِنشِنشِ شَ قٍ رَ.

63 عِ يَرَفَاشُي بِرِن قِندِشِ ﭑ حّرّبٌورٍ نَن نَ،

نُن نَشٍيٍ عِ سَفٌ رَبَتُمَ.

64 عَلَتَلَ عِ شَ شَنُنتٍيَ نَ دُنِحَ بِرِن مَ،

ﭑ شَرَن عِ شَ يَامَرِيٍ رَ.

65 عَلَتَلَ، عِ بَرَ قٍ قَنيِ رَبَ ﭑ تَن عِ شَ كٌنيِ بّ،

عَلْ عِ عَ لَايِدِشِ كِ نَشّ.

66 ﭑ شَرَن قٍ تَفِ رَ سَدٍ نُن قٍ كٌلٌنيِ رَ، بَرِ مَ ﭑ لَشِ عِ شَ يَامَرِيٍ رَ.

67 ﭑ نُ بَرَ لْي بٍيمَنُ عِ شَ ﭑ مَ قٍ مَفٌرٌ،

كْنْ يَكْسِ قَ ﭑ نَ عِ شَ مَسٍنيِ نَن نَبَتُقٍ.

68 عِ قَن، عِ قٍ قَنيِ رَبَمَ،

ﭑ شَرَن عِ شَ يَامَرِيٍ رَ.

69 هَلِ يّتّ عِفبٌي وُلٍ سَمَ ﭑ شُن،

ﭑ عِ شَ يَامَرِيٍ رَبَتُمَ نّ ﭑ بْحّ بِرِن نَ.

70 عٍ بْحّ شْرْشْ عَلْ فّمّ،

كْنْ عِ شَ سّرِيّ حْشُن ﭑ بّ.

71 ﭑ مَ تْورّ بَرَ ﭑ مَلِ عِ شَ يَامَرِيٍ كٌلٌنقٍ رَ.

72 عِ شَ مَسٍنيِ قَن ﭑ بّ شّيمَ نُن فبٍتِ رَ.

73 عِ تَن نَن ﭑ دَاشِ، عِ تَن نَن ﭑ نَقَلَشِ عِ شْنيّ رَ.

قَهَامُي قِ ﭑ مَ عِ شَ يَامَرِيٍ كٌلٌنقٍ رَ.

74 عِ يَرَفَاشُييٍ شَ سّيوَ ﭑ تٌقٍ رَ،

بَرِ مَ ﭑ شَشِلِ تِشِ عِ شَ مَسٍنيِ رَ.

75 عَلَتَلَ، ﭑ عَ كٌلٌن عِ شَ كِيتِ تِنشِنشِ رَ،

ﭑ عَ كٌلٌن عِ ﭑ مَ قٍ مَفٌرٌشِ شَنُنتٍيَ نَن مَ.

76 يَندِ، عِ شَ شَنُنتٍيَ شَ ﭑ مَدُندُ،

عَلْ عِ عَ لَايِدِ ﭑ تَن، عِ شَ كٌنيِ بّ كِ نَشّ.

77 عِ شَ كِنِكِنِ ﭑ مَ عَلَكٌ ﭑ شَ كِسِ،

بَرِ مَ عِ شَ سّرِيّ رَقَن ﭑ مَ.

78 يّتّ عِفبٌي شَ يَافِ سْتْ،

بَرِ مَ ﭑ مُ قٍ يٌ رَبَشِ عٍ رَ عٍ ﭑ تْورْ مَ نَشَن مَ.

ﭑ تَن حْشْ سَمَ عِ سَفٌ نَن شْن مَ.

79 عِ يَرَفَاشُييٍ شَ فبِلٍن ﭑ مَ،

عَ نُن نَشٍيٍ عِ شَ مَسٍنيِ كٌلٌن.

80 ﭑ بْحّ شَ عِ شَ يَامَرِيٍ سُشُ،

عَلَكٌ يَافِ نَشَ قَ دُ سُ ﭑ شُن نَ.

81 عَ شْلِ ﭑ مَ ﭑ شَ عِ شَ كِسِ سْتْ،

كْنْ ﭑ شَشِلِ تِشِ عِ شَ مَسٍنيِ نَن نَ.

82 ﭑ عِ شَ لَايِدِ رَكَمَلِشِ مَمّقٍ.

ﭑ عَ قَلَمَ ﭑ بْحّ كُي، «عِ ﭑ مَدُندُ مَ مُن تّمُي؟»

83 ﭑ لُشِ عَلْ كُندِ نَشَن نَ رَشَرَقٍ،

كْنْ ﭑ مُ نّيمُمَ عِ شَ يَامَرِيٍ رَ.

84 ﭑ شَ مَمّ تِ هَن مُن تّمُي،

بٍينُن عِ شَ ﭑ يَشُييٍ حَشَنكَتَ؟

85 يّتّ عِفبٌي فَنتَنيِ تِمَ ﭑ يَ رَ.

سّرِيّ مُ نَ كِ.

86 عِ شَ يَامَرِ بِرِن تِنشِن.

ﭑ نَتَنفَ تْوحّفّ مَ.

87 عَ فبٍ مُ لُشِ عٍ شَ ﭑ مَ قٍ كَنَ،

كْنْ ﭑ تٌندِ نّ عِ شَ يَامَرِيٍ رَبٌلٌدٍ.

88 ﭑ نَكِسِ عِ شَ شَنُنتٍيَ رَ،

عَلَكٌ ﭑ شَ عِ شَ مَسٍنيِ سُشُ.

89 عَلَتَلَ، عِ شَ مَسٍنيِ نَ كٌورٍ مَ عَبَدَن.

90 عِ شَ شَنُنتٍيَ بُمَ نّ كٍلِقٍ تٌ بْنسْي مَ هَن بْنسْي نَشٍيٍ سَ قَمَ.

عِ دُنِحَ شَنشِ نَن دَا.

91 عِ شَ سّرِيّ بُمَ هَن تٌ،

بِرِن نَ عِ شَ مَنفّيَ نَن بُن مَ.

92 شَ ﭑ مُ سّيوَ عِ شَ سّرِيّ رَ نُ،

ﭑ بَرَ بْنْ ﭑ مَ تْورّ كُي نُ.

93 ﭑ مُ نّيمُمَ عِ شَ مَسٍنيِ رَ قٍوٌ،

بَرِ مَ عِ ﭑ كِسِشِ عٍ تَن نَن سَابُي رَ.

94 ﭑ بَرَ ﭑ يّتّ قِ عِ مَ، ﭑ نَكِسِ.

ﭑ تِنمَ عِ سَفٌ سُشُقٍ رَ.

95 مِشِ حَاشِيٍ وَ مَ ﭑ قَشَقٍ،

كْنْ ﭑ تَن حْشْ سَشِ عِ شَ مَسٍنيِ شْن مَ.

96 ﭑ عَ كٌلٌن دُنِحَ قٍ بِرِن حْنمَ نّ،

كْنْ عِ شَ سّرِيّ مُ كَنَمَ عَبَدَن.

97 عِ شَ سّرِيّ رَقَن ﭑ مَ.

ﭑ نَ ﭑ حْشْ سَشِ عَ شْن مَ كُدّ.

98 عِ شَ يَامَرِيٍ ﭑ قِندِ مَ قَهَامُلَ نَن نَ

دَنفِ ﭑ يَشُييٍ رَ، بَرِ مَ عٍ نَ ﭑ بْحّ كُي تّمُي بِرِن.

99 ﭑ شَشِلِ قَن ﭑ كَرَ مْشْيٍ شَشِلِ بّ،

بَرِ مَ ﭑ نَ ﭑ حْشْ سَشِ عِ شَ مَسٍنيِ نَن شْن مَ.

100 ﭑ قٍ كٌلٌن دَنفِقٍ قٌرِيٍ رَ،

بَرِ مَ ﭑ عِ سَفٌ رَبَتُشِ.

101 ﭑ بَرَ ﭑ سَنيِ بَ كِرَ حَاشِيٍ شْن مَ،

ﭑ شَ بِرَ عِ شَ مَسٍنيِ قْشْ رَ.

102 ﭑ مُ عِ شَ سّرِيّ بّحِن،

بَرِ مَ عِ تَن نَن يَتِ ﭑ شَرَن نَ رَ.

103 عِ شَ مَسٍنيِ حْشُن ﭑ دّ كُي دَنفِ كُمِ رَ.

104 ﭑ شَشِلِ قَنيِ سْتْ عِ سَفٌ نَن نَ.

نَ كُي ﭑ بَرَ كِرَ حَاشِيٍ تَن شْن.

105 عِ شَ مَسٍنيِ قِندِشِ لَنثُي نَن نَ ﭑ سَن تِدٍ،

عَ قِندِ نَءِيَلَنيِ رَ ﭑ مَ كِرَ شْن مَ.

106 ﭑ بَرَ لَايِدِ تٌنفٌ نَشَن مُ كَنَمَ،

ﭑ قَمَ نّ بِرَدٍ عِ شَ سّرِيّ تِنشِنشِ قْشْ رَ.

107 ﭑ بَرَ تْورْ عَ فبٍ رَ.

عَلَتَلَ، ﭑ نَكِسِ عِ شَ مَسٍنيِ رَ.

108 عَلَتَلَ، ﭑ بَرَ عِ مَشَندِ،

عِ شَ ﭑ مَ مَتْشْي سُشُ سّرّشّ رَ،

عِ شَ ﭑ شَرَن عِ سَفٌ رَ.

109 ﭑ نِي نَ قَشّ يَ عِ تّمُي بِرِن،

كْنْ ﭑ مُ نّيمُمَ عِ شَ سّرِيّ مَ.

110 مِشِ حَاشِيٍ فَنتَنيِ تٍمَ ﭑ بّ،

كْنْ ﭑ مُ ﭑ مَكُيَمَ عِ سَفٌ رَ.

111 عِ شَ مَسٍنيِ قِندِشِ ﭑ كّ نَن نَ عَبَدَن،

عَ ﭑ بْحّ رَ سّيوَ مَ نّ.

112 ﭑ بْحّ بِرَ مَ نّ عِ شَ يَامَرِيٍ قْشْ رَ عَبَدَن.

113 ﭑ قِلَنكَقُي شْنمَ،

كْنْ عِ شَ سّرِيّ رَقَن ﭑ مَ.

114 ﭑ كَنتَرِ نُن ﭑ مَكَنتَمَ نَ عِ تَن نَن نَ،

ﭑ شَشِلِ تِشِ عِ شَ مَسٍنيِ رَ.

115 وٌ وٌ مَسِفَ ﭑ نَ، وٌ تَن مِشِ كٌبِيٍ،

عَلَكٌ ﭑ شَ عَلَ شَ يَامَرِيٍ رَتِنمّ.

116 ﭑ دّ مّن عَلْ عِ عَ لَايِدِ كِ نَشّ، عَلَكٌ ﭑ شَ كِسِ.

عِ نَشَ قٍ كَنَ ﭑ شَشِلِ تِشِ نَشَن نَ.

117 عِ شَ تِ ﭑ قَنفَ رَ، عَلَكٌ ﭑ شَ كِسِ.

ﭑ يَ تِشِ عِ شَ يَامَرِيٍ رَ.

118 عِ شَ تٌندِ مِشِيٍ رَ نَشٍيٍ عٍ مَكُيَمَ عِ شَ سّرِيّ رَ،

بَرِ مَ مَدَشُحَ نُن وُلٍ نَ عٍ شَ قٍ بِرِن كُي.

119 عِ مِشِ كٌبِيٍ حْنمَ نّ يِ دُنِحَ مَ،

عَلْ شَبُي فبٍتِ فبِ بَمَ كِ نَشّ.

نَ نَن عَ رَ عِ شَ مَسٍنيِ رَقَن ﭑ مَ.

120 ﭑ قَتٍ سّرّنمَ عِ شَ مَفَاشُي رَ،

ﭑ هَنمّشِ عِ شَ كِيتِ رَ.

121 ﭑ وَلِمَ نْندِ نُن تِنشِنيِ نَن نَ.

عِ نَشَ ﭑ لُ ﭑ يَشُييٍ يِ رَ.

122 عِ شَ ﭑ مَ قٍ سْونّيَ عِ سّنبّ رَ،

عِ نَشَ لُ يّتّ عِفبٌي شَ نْ ﭑ نَ.

123 ﭑ يَ تِشِ عِ شَ كِسِ رَ تّمُي بِرِن،

عَ نُن عِ شَ مَسٍنيِ تِنشِنشِ.

124 هِننّ عِ شَ كٌنيِ رَ عِ شَ شَنُنتٍيَ كُي.

ﭑ شَرَن عِ شَ يَامَرِيٍ رَ.

125 قَهَامُي قِ ﭑ تَن، عِ شَ كٌنيِ مَ،

عَلَكٌ ﭑ شَ عِ شَ مَسٍنيِ كُي كٌلٌن.

126 مِشِيٍ نَ عِ شَ سّرِيّ مَتَندِقٍ.

عَلَتَلَ، عَ لَنمَ عِ شَ تِ عٍ يَ رَ يَكْسِ.

127 عِ شَ يَامَرِيٍ رَقَنشِ ﭑ مَ دَنفِقٍ شّيمَ قَنيِ رَ،

128 ﭑ تٌ عَ مَحْشُن عِ سَفٌ تِنشِن،

ﭑ كِرَ بِرِن شْنمَ نّ نَشَن مُ قِندِ نْندِ رَ.

129 عِ شَ مَسٍنيِ ﭑ دّ عِشَرَ مَ،

ﭑ عَ رَبَتُمَ نَ نَن مَ.

130 عِ شَ مَسٍنيِ كُي مَتٌقٍ،

عَ شَشِلِ قِمَ نّ شَشِلِتَرٍيٍ مَ.

131 عَ نَ ﭑ نِي رَ ﭑ شَ عِ سَفٌ كٌلٌن.

132 عِ يَ رَقِندِ ﭑ مَ، عِ شَ هِننّ ﭑ نَ،

عَلْ عِ دَرِشِ عَ رَبَ رَ كِ نَشّ عِ شَنُنتٍنيِيٍ بّ.

133 عِ شَ ﭑ تِ عِ شَ مَسٍنيِ قَرِ،

عِ نَشَ لُ قٍ حَاشِ يٌ شَ نْ ﭑ نَ.

134 ﭑ بَ عَدَ مَدِيٍ شَ نْي بُن مَ،

عَلَكٌ ﭑ شَ عِ شَ يَامَرِيٍ رَتِنمّ.

135 عِ يَتَفِ نْرّ رَيَنبَ عِ شَ كٌنيِ مَ،

عِ شَ ﭑ شَرَن عِ شَ يَامَرِيٍ رَ.

136 ﭑ لُمَ وَ رَ عَ فبٍ رَ،

بَرِ مَ ﭑ عَ كٌلٌن مِشِيٍ مُ عِ شَ سّرِيّ رَتِنمّمَ.

137 عَلَتَلَ عِ تِنشِن، عِ شَ كِيتِيٍ قَن تِنشِن.

138 عِ شَ مَسٍنيِ تِنشِن، عَ مَن قِندِشِ نْندِ يَتِ نَن نَ.

139 ﭑ بْحّ رَحَاشُمَ نّ ﭑ مَ،

بَرِ مَ ﭑ يَشُييٍ مُ عٍ تُلِ مَتِمَ عِ شَ مَسٍنيِ رَ.

140 عِ شَ مَسٍنيِ بَرَ عَ يّتّ شَ نْندِ مَسٍن،

عَ رَقَن ﭑ تَن عِ شَ كٌنيِ مَ.

141 هَلِ ﭑ شُرُن، مِشِيٍ يٌمَ ﭑ مَ،

ﭑ مُ نّيمُمَ عِ سَفٌ مَ.

142 عِ شَ تِنشِنيِ بُمَ عَبَدَن.

عِ شَ سّرِيّ نْندِ نَ عَ رَ.

143 سُننُنيِ نُن تْورّ ﭑ سُشُشِ،

كْنْ عِ شَ يَامَرِيٍ نْشُن ﭑ بّ.

144 عِ شَ سّرِيّيٍ تِنشِن عَبَدَن.

قَهَامُي قِ ﭑ مَ عَلَكٌ ﭑ شَ كِسِ.

145 عَلَتَلَ، ﭑ نَ ﭑ دّ رَوَقٍ عِ بّ ﭑ بْحّ بِرِن نَ.

ﭑ يَابِ، عَلَكٌ ﭑ شَ نْ عِ شَ يَامَرِيٍ رَتِنمّدٍ.

146 ﭑ نَ ﭑ دّ رَوَقٍ عِ بّ.

ﭑ نَكِسِ، عَلَكٌ ﭑ شَ نْ عِ سَفٌ رَبَدٍ.

147 ﭑ كٍلِمَ بٍيمَنُ سُبَشّ شَ عَ لِ،

ﭑ عِ مَشَندِ عِ شَ ﭑ دّ مّن.

ﭑ شَشِلِ تِشِ عِ شَ مَسٍنيِ نَن نَ.

148 ﭑ مُ شِمَ كْي رَ،

ﭑ نَ ﭑ مَحْشُنمَ عِ شَ مَسٍنيِ نَن تُن مَ.

149 عِ عِ تُلِ مَتِ ﭑ شُي رَ عِ شَ شَنُنتٍيَ شَ قٍ رَ.

عَلَتَلَ، ﭑ نَكِسِ عِ شَ كِيتِ بّرّ رَ.

150 مِشِيٍ بَرَ مَسٌ ﭑ نَ،

نَشٍيٍ وَ مَ قٍ حَاشِيٍ شْن.

عٍ مَكُيَ عِ شَ سّرِيّ رَ.

151 كْنْ عِ تَن عَلَتَلَ، عِ مَكْرّ ﭑ نَ،

عِ شَ يَامَرِيٍ قِندِشِ نْندِ نَن نَ.

152 ﭑ عَ كٌلٌن كَبِ عَ رَكُيَ،

عِ بَرَ عِ شَ مَسٍنيِ مَبَنبَن عَلَكٌ عَ شَ بُ عَبَدَن.

153 ﭑ مَ تْورّ مَتٌ، عِ شَ ﭑ نَكِسِ،

بَرِ مَ ﭑ مُ نّيمُشِ عِ شَ سّرِيّ مَ.

154 عِ شَ ﭑ شُن مَقَلَ، عِ شَ ﭑ شُن سَرَ.

ﭑ نَكِسِ عَلْ عِ عَ لَايِدِ كِ نَشّ.

155 كِسِ مَكُيَ مِشِ حَاشِيٍ رَ،

بَرِ مَ عٍ مُ بِرَ مَ عِ شَ يَامَرِيٍ قْشْ رَ.

156 عَلَتَلَ، عِ شَ كِنِكِنِ فبٌ.

ﭑ نَكِسِ عِ شَ كِيتِ بّرّ رَ.

157 ﭑ فٍرٍقَيٍ وُيَ،

كْنْ ﭑ مُ فبِلٍن عِ سَفٌ قْشْ رَ.

158 عِ يَنقَمَيٍ تٌقٍ رَحَاشُ ﭑ مَ،

بَرِ مَ عٍ مُ عِ شَ مَسٍنيِ سُشُمَ.

159 عَ مَتٌ، عِ شَ يَامَرِيٍ رَقَن ﭑ مَ.

عَلَتَلَ، ﭑ نَكِسِ عِ شَ شَنُنتٍيَ شَ قٍ رَ.

160 عِ شَ مَسٍنيِ نْندِ نَ عَ رَ،

عِ شَ كِيتِ تِنشِنشِ بُمَ نّ عَبَدَن.

161 مَنفّيٍ ﭑ تْورْ مَ هَلِ ﭑ مُ قٍ حَاشِ يٌ رَبَشِ عٍ رَ،

كْنْ ﭑ فَاشُمَ عِ شَ مَسٍنيِ يَ رَ ﭑ بْحّ بِرِن نَ.

162 ﭑ سّيوَشِ عِ شَ لَايِدِ رَ،

عَلْ مِشِ نَشَن فٍينِ شُنفبٍ سْتْشِ.

163 ﭑ وُلٍ شْنشِ، عَ رَحَاشُ ﭑ مَ،

كْنْ عِ شَ سّرِيّ ﭑ شَنُنتٍنيِ نَ عَ رَ.

164 ﭑ عِ مَتْشْمَ سَنمَيَ سٌلٌقٍرٍ لْشْ يٌ لْشْ

عِ شَ كِيتِ تِنشِنشِ شَ قٍ رَ.

165 بْحّسَ فبٍفبٍ نَن نَ مِشِيٍ بّ،

عِ شَ سّرِيّ رَقَنشِ نَشٍيٍ مَ.

قٍقٍ مُ عٍ رَبِرَ مَ.

166 عَلَتَلَ، ﭑ شَشِلِ تِشِ عِ شَ كِسِ رَ،

ﭑ بِرَ مَ نّ عِ شَ يَامَرِيٍ قْشْ رَ.

167 ﭑ عِ شَ مَسٍنيِ سُشُمَ نّ،

بَرِ مَ عٍ رَقَن ﭑ مَ كِ قَنيِ رَ.

168 ﭑ بِرَ مَ نّ عِ سَفٌ نُن عِ شَ مَسٍنيِ قْشْ رَ.

عِ ﭑ حّرّ كِ بِرِن كٌلٌن.

169 عَلَتَلَ، عِ شَ ﭑ مَ دُبَ سُشُ.

قَهَامُي قِ ﭑ مَ عِ شَ مَسٍنيِ سَابُي رَ.

170 ﭑ مَ مَشَندِ شَ عِ لِ.

ﭑ نَكِسِ عَلْ عِ عَ لَايِدِ كِ نَشّ.

171 عِ مَتْشْي شَ مِنِ ﭑ دّ عِ،

بَرِ مَ عِ ﭑ شَرَنقٍ عِ شَ يَامَرِيٍ نَن نَ.

172 ﭑ دّ شَ بّيتِ ندٍ بَ عِ شَ مَسٍنيِ شَ قٍ رَ،

بَرِ مَ عِ شَ يَامَرِيٍ بِرِن تِنشِن.

173 عِ شَ قَ ﭑ دّ مّن،

بَرِ مَ ﭑ عِ سَفٌ نَن سُفَندِشِ.

174 عَلَتَلَ، ﭑ نِي نَ عِ شَ كِسِ مَ،

عِ شَ سّرِيّ ﭑ نَسّيوَ مَ نّ.

175 عِ شَ ﭑ نَكِسِ عَلَكٌ ﭑ شَ نْ عِ مَتْشْدٍ.

عِ شَ كِيتِيٍ شَ ﭑ دّ مّن.

176 ﭑ نَبّحِنشِ نّ عَلْ يّشّ لْيشِ.

عِ شَ ﭑ تَن عِ شَ كٌنيِ قٍن،

بَرِ مَ ﭑ مُ نّيمُشِ عِ شَ يَامَرِيٍ مَ.