1 عَلَتَلَ نَن فبٍ نَ بْشِ نُن عَ عِسٍيٍ بِرِن نَ،

دُنِحَ نُن عَدَ مَدِ بِرِن.

2 عَ تَن نَن بْشِ دْشْشِ بَايٍ نُن شُرٍيٍ تَفِ.

3 ندٍ نْمَ تٍدٍ عَلَتَلَ شَ فٍيَ قَرِ؟

ندٍ نْمَ سٌدٍ عَ شَ هْرْ مْبَنشِ كُي؟

4 نَشَن شَ وَلِ قَن،

نَشَن بْحّ سّنِيّن،

نَشَن مُ بِرَ مَ قٍ قُقَقُ قْشْ رَ،

نَشَن مُ وُلٍ قَلَمَ،

نَ كَنيِ نَن سٌمَ عَلَ شَ هْرْ مْبَنشِ كُي.

5 عَلَتَلَ بَرَكّ سَمَ عَ مَ،

عَ رَكِسِمَ عَلَ عَ سَرٍ رَفبِلٍنمَ عَ مَ.

6 يِ مِشِ مْولِ نَن عَلَ قٍنمَ.

يَشُبَ شَ مِشِيٍ وَ مَ عَلَ كٌلٌنقٍ. حّنفِ رَتٍ.

7 تّتّ نَادّيٍ شَ رَبِ،

هْرْ مْبَنشِ نَادّ قٌرِيٍ قَن شَ رَبِ.

نْرّ كَنيِ نَ سٌقٍ.

8 ندٍ نَ يِ نْرّ كَنيِ رَ؟

عَلَتَلَ سّنبّمَ نَن عَ رَ،

عَلَتَلَ، نَشَن سّنبّ فبٌ فٍرٍ كُي.

9 تّتّ نَادّيٍ شَ رَبِ،

هْرْ مْبَنشِ نَادّ قٌرِيٍ قَن شَ رَبِ.

نْرّ كَنيِ نَ سٌقٍ.

10 ندٍ نَ يِ نْرّ كَنيِ رَ؟

مَنفّ عَلَتَلَ نَن نْرّ كَنيِ رَ.