1 حّلّشِنيِ نَ عَدَ مَ بّ

نَشَن شَ يُنُبِ بَرَ بَ،

نَشَن شَ قٍ كٌبِ بَرَ شَقَرِ.

2 حّلّشِنيِ نَ عَدَ مَ بّ

عَلَتَلَ بَرَ دِحّ نَشَن مَ قٍ كٌبِ مَ،

عَ نُن مَءِقُي مُ نَ نَشَن شَشِلِ يَ مَ.

3 دَنمِ ﭑ دُندُشِ، ﭑ مُ نْمَ مِنِدٍ تْورّ كُي.

ﭑ نُ تْورْ مَ نّ يَنيِ بِرِن نَ.

4 كْي نُن يَنيِ عِ شَ تْورّ نَ ﭑ قَرِ.

ﭑ سّنبّ بَرَ كَنَ،

عَ بَرَ لُ عَلْ فبٍنفبٍرٍن يِرٍ.

5 ﭑ بَرَ ﭑ مَ يُنُبِ مَسٍن عِ بّ،

ﭑ مُ ﭑ مَ يُنُبِ نْشُنشِ قَ.

ﭑ بَرَ عَ قَلَ،

«قٌ ﭑ شَ ﭑ مَ يُنُبِ يَ شَرَن عَلَتَلَ بّ.»

عِ تَن عَلَتَلَ بَرَ ﭑ مَ يُنُبِ بَ ﭑ مَ.

6 مِشِ تِنشِنشِ بِرِن شَ عِ مَشَندِ عَ وَشَتِ.

شَ تْورّ فبٌ عَلْ بَنبَرَنيِ،

عَ مُ سٍسٍ نِيَمَ عَ رَ.

7 ﭑ مَ كَنتَرِ لَنشِ عِ تَن نَن مَ.

عِ مَن سُننُنيِ بَمَ ﭑ مَ.

ﭑ عِ تَنتُمَ نّ عِ شَ مَرَتَنفّ شَ قٍ رَ.

8 ﭑ وٌ شَرَنمَ نّ كِرَ رَ

وٌ لَن وٌ شَ بِرَ نَشَن قْشْ رَ.

ﭑ وٌ رَ سِمَ نّ،

ﭑ نَن ﭑ حّنفِ سَمَ نّ وٌ شَ قٍ شْن مَ.

9 وٌ نَشَ لُ عَلْ سٌي،

شَ نَ مُ عَ رَ سٌقَلٍ شَشِلِتَرٍ،

نَشَن مُ رَحّرّ مَ قٌ كَرَقٌي رَ.

10 قٍ شْنّ فبٍفبٍ رَفَتَشِ مِشِ حَاشِ بّ،

كْنْ نَشَن عَ شَشِلِ تِشِ عَلَتَلَ رَ،

عَلَ شَ قٌنِسِرٍيَ نَ كَنيِ رَبِلِنمَ نّ.

11 مِشِ تِنشِنشِيٍ، وٌ سّيوَ عَلَتَلَ رَ،

وٌ مَن شَ حّلّشِن.

وٌ عَلَ تَنتُ حّلّشِنيِ كُي وٌ شُي عِتٍشِ رَ،

وٌ تَن مِشِ تِنشِنشِيٍ بِرِن.