مِشِ حَاشِيٍ شَ فَنتَنيِ
عَلَ مَشَندِ
1 دَوُدَ شَ بّيتِ
عَلَتَلَ، ﭑ بَرَ عِ مَشَندِ، عِ شُلُن ﭑ مَلِقٍ رَ،
عِ شَ عِ تُلِ مَتِ ﭑ مَ مَشَندِ رَ.
2 ﭑ مَ دُبَ شَ تٍ عِ مَبِرِ عَلْ سُرَيِ شِرِ،
ﭑ مَ بّلّشّ تِ شَ لُ عَلْ نُنمَرٍ سّرّشّ.
3 عَلَتَلَ، ﭑ دّ مَكَنتَ
عَلَكٌ قٍ حَاشِ يٌ نَشَ مِنِ ﭑ دّ كُي.
4 عِ نَشَ تِن ﭑ بْحّ شَ سِفَ قٍ حَاشِ مَ،
ﭑ نَشَ لَن وَلِ كٌبِ رَبَيٍ مَ ﭑ مَ فٍينِ شَ قٍ رَ.
5 شَ تِنشِنتْي ﭑ بْنبْ، عَ قَن ﭑ بّ،
عَ شَ شُرُي قَن عَلْ لَبُندّ نَشَن سَمَ ﭑ قَتٍ مَ.
ﭑ مُ تٌندِ مَ نَ قٍ رَ.
كْنْ ﭑ عَلَ مَشَندِ مَ عَ شَ مِشِ حَاشِ وَشْنقٍ كَنَ.
6 عٍ شَ كِيتِسَيٍ شَ رَدِن فٍلٍنيِ رَ.
مِشِ حَاشِيٍ شَ عَ كٌلٌن ﭑ مَ مَسٍنيِ قَن.
7 عٍ شَ عَ قَلَ، «مُشُ شْرِيٍ بَرَ يٍنسٍن عَلِفِيَمَ،
عَلْ شّ سَ بْشِ بُشَمَ كِ نَشّ.»
8 كْنْ ﭑ مَرِفِ عَلَتَلَ، ﭑ يَ تِشِ عِ تَن نَ.
ﭑ كَنتَرِ تٌمَ عِ سّيتِ مَ، عِ نَشَ ﭑ نِي رَبٌلٌ.
9 ﭑ نَتَنفَ فَنتَنيِيٍ مَ عٍ نَشٍيٍ تٍمَ ﭑ بّ،
ﭑ نَتَنفَ مِشِ حَاشِيٍ شَ يّلّيٍ مَ.
10 عٍ تَن شَ سُشُ نٍيٍ رَ، ﭑ تَن شَ كِسِ.