عَلَ شَ لَايِدِ دَوُدَ نُن دَرِ سَلَمُ بّ
عَلَ مَشَندِ
1 بِيَاسِلَيٍ شَ بّيتِ ندٍ
عَلَتَلَ، عِ شَ رَتُ دَوُدَ مَ
عَ نُن عَ شَ تْورّ بِرِن مَ.
2 عَ نَشَ عَ رَكَلِ عَلَتَلَ بّ،
عَ نَشَ عَ رَكَلِ يَشُبَ مَرِفِ عَلَ سّنبّمَ بّ،
3 «ﭑ مُ سٌمَ ﭑ شْنيِ، ﭑ مُ ﭑ سَمَ،
4 ﭑ مُ ﭑ يَ مَشِمَ،
ﭑ مُ ﭑ يَ مَفِرَ مَ،
5 هَن ﭑ سَ لِنفِرَ سْتْمَ يَشُبَ مَرِفِ عَلَ سّنبّمَ بّ تّمُي نَشّ.»
6 وٌن نُ بَرَ عَ شَ قٍ مّ عٍقَرَتَ بْشِ مَ.
وٌن نَشَ عَ لِ يَارَ شَ شّ مَ.
7 «وٌن شّي عَ شَ هْرْ مْلِنفِرَ يِرٍ،
وٌن شَ وٌن شِنبِ سِن عَ سَنتِدٍ يَ عِ.
8 عَلَتَلَ، كٍلِ عِ شَ تَلُ عِ سَبَتِدٍ،
عِ تَن نُن عِ شَ سَاتّ كَنكِرَ.
9 عِ شَ سّرّشّدُبّيٍ شَ لُ شُننَكٍلِ كُي،
عِ دُفُتّفّيٍ شَ عٍ سّيوّ شُي رَتٍ.»
10 عِ شَ كٌنيِ دَوُدَ شَ قٍ رَ،
عِ نَشَ مّي عِ شَ مَنفّ سُفَندِشِ رَ.
11 عَلَتَلَ عَ كَلِ نّ دَوُدَ بّ،
مَرَكَلِ نَشَن مُ كَنَمَ،
عَ نَشّ، «ﭑ عِ بْنسْي ندٍ نَن دْشْمَ عِ شَ كِبَنيِ مَ.
12 شَ عِ شَ دِيٍ سَ ﭑ مَ سَاتّ بِنيَ،
عٍ ﭑ مَ يَامَرِيٍ رَبَتُ،
عٍ شَ دِيٍ قَن لُمَ نّ عِ شَ كِبَنيِ مَ عَبَدَن.»
13 بَرِ مَ عَلَتَلَ بَرَ سِيٌنِ سُفَندِ،
مّننِ نَن نَقَنشِ عَ مَ عَ سَبَتِدٍ رَ.
14 عَ نَشّ، «ﭑ سَبَتِدٍ نَن بٍ رَ عَبَدَن.
ﭑ دْشْمَ بٍ ﭑ مَ كِبَنيِ كُي بَرِ مَ بٍ رَقَنشِ ﭑ مَ.
15 ﭑ بَرَكّ سَمَ نّ سِيٌنِكَيٍ مَ،
ﭑ بَلٌي قِ عٍ شَ مِسِكِينّيٍ مَ.
16 ﭑ كِسِ قِمَ نّ عٍ شَ سّرّشّدُبّيٍ مَ،
عٍ دُفُتّفّيٍ بّيتِ بَمَ نّ سّيوّ كُي.»
17 «بٍ ﭑ دَوُدَ سّنبّ رَكٍلِمَ نّ،
ﭑ نَءِيَلَنيِ رَ مِنِمَ نّ ﭑ مَ مِشِ سُفَندِشِ بّ.
18 ﭑ يَافِ دُ سُمَ نّ عَ يَشُييٍ شُن نَ،
كْنْ ﭑ نْرّ دُ سُمَ عَ تَن نَن شُن نَ.»