1 عَلَتَلَ نَن نَ مَنفّ رَ.

دُنِحَ شَ حّلّشِن، سُرِيٍ شَ سّيوَ.

2 نُشُي نُن كُيٍ عِقْورْشِ عَ رَبِلِنمَ.

عَ شَ كِبَنيِ دْشْشِ تِنشِنيِ نُن نْندِ قَرِ.

3 تّ تِشِ عَ يَ رَ، عَ عَ يَشُييٍ بِرِن فَنمَ عَ رَبِلِنيِ.

4 عَ دُنِحَ عِيَلَنمَ عَ شَ سٍيَمَكْنيِيٍ رَ،

دُنِحَ مِشِيٍ نَ عَ تٌ، عٍ سّرّنمَ نّ.

5 فٍيَيٍ شُنُمَ دُنِحَ مَرِفِ عَلَتَلَ يَ رَ عَلْ كُمِ دٌلٍ.

6 كٌورٍ عَ شَ تِنشِنيِ مَسٍنمَ،

سِ بِرِن عَ شَ نْرّ تٌمَ.

7 كُيٍ بَتُيٍ قَمَ نّ يَافِدٍ عَ يَ رَ،

سّنبّمَيٍ عٍ قٍلٍنمَ نّ عَ بُن مَ.

8 سِيٌنِكَيٍ نَ عَ شُي مّ، عٍ سّيوَ مَ نّ،

يُدَيَكَيٍ حّلّشِنمَ نّ عِ تَن عَلَتَلَ شَ كِيتِ رَ،

9 بَرِ مَ عِ تَن مَرِفِ شُن نَكٍلِشِ سّنبّمَيٍ بِرِن بّ.

10 عَلَتَلَ شَنُنتٍنيِ شَ قٍ حَاشِ شْن.

عَلَتَلَ عَ بَتُلَيٍ مَكَنتَمَ نّ، عَ عٍ بَ مِشِ كٌبِيٍ بّلّشّ.

11 نَءِيَلَنيِ نَ تِنشِنتْييٍ نَن بّ،

سّيوّ نَ مِشِيٍ بّ نَشٍيٍ بْحّ قِيشّ.

12 تِنشِنتْييٍ، وٌ سّيوَ مَرِفِ رَ،

وٌ شَ تَنتُي رَ سِفَ عَ شِلِ سّنِيّنشِ مَ.