1 عَلَتَلَ، عِ تُلِ مَتِ ﭑ مَ مَشَندِ رَ،

عِ شَ كِنِكِنِ ﭑ وَ شُي مَ.

عِ شَ ﭑ مَ دُبَ سُشُ عِ شَ دُفُتّفّحَ نُن عِ شَ تِنشِنيِ شَ قٍ رَ.

2 عِ نَشَ عِ شَ كٌنيِ مَكِيتِ، بَرِ مَ دَالِ يٌ مُ تِنشِن عِ يَ عِ.

3 ﭑ يَشُي بِرَ مَ نّ ﭑ قْشْ رَ،

عَ ﭑ بٌرٌنمَ نّ بْشِ مَ،

عَ ﭑ لُمَ نّ قَشّ نِينِ بُن مَ عَلْ قَشَمِشِيٍ.

4 نَ كُي ﭑ شَشِلِ بَرَ عِقُ. لِمَنِيَ بَرَ بَ ﭑ يِ.

5 ﭑ نَتُمَ نّ لْشْي دَنفِشِيٍ مَ،

ﭑ نَ ﭑ شَشِلِ رَ سِفَمَ عِ شَ وَلِ بِرِن مَ،

ﭑ نَ ﭑ حْشْ رَ سِفَ عِ شَ دَالِيٍ مَ.

6 ﭑ نَ ﭑ بّلّشّ عِتَلَمَ نّ عِ بّ،

ﭑ نِي عِ قٍنمَ نّ عَلْ فبٍنفبٍرٍنيِ يٍ قٍنمَ كِ نَشّ. حّنفِ رَتٍ.

7 عَلَتَلَ، يَندِ، عِ شُلُن ﭑ يَابِقٍ رَ.

لِمَنِيَ بَرَ فّ بَدٍ ﭑ يِ رَ.

عِ نَشَ عِ كٌبٍ رَ سٌ ﭑ نَ،

شَ نَ مُ ﭑ لُمَ نّ عَلْ قَشَمِشِيٍ.

8 كُيٍ نَ عِبَ، عِ شَ عِ شَ دُفُتّفّحَ مَسٍن ﭑ بّ،

بَرِ مَ ﭑ شَشِلِ تِشِ عِ تَن نَن نَ.

ﭑ حّرّ كِرَ مَسٍن ﭑ بّ،

بَرِ مَ ﭑ شَشِلِ تِشِ عِ تَن نَن نَ.

9 عَلَتَلَ، ﭑ نَتَنفَ ﭑ يَشُييٍ مَ،

بَرِ مَ ﭑ كَنتَرِ سْتْمَ عِ نِينِ نَن بُن مَ.

10 ﭑ شَرَن عِ وَشْنقٍ رَبَقٍ رَ،

بَرِ مَ عِ تَن نَن نَ ﭑ مَرِفِ عَلَ رَ.

عِ شَشِلِ سّنِيّنشِ شَ ﭑ تِ كِرَ قَنيِ شْن مَ.

11 عَلَتَلَ، عِ شَ ﭑ نَكِسِ عِ شِلِ شَ قٍ رَ،

عِ شَ ﭑ بَ تْورّ كُي عِ شَ تِنشِنيِ شَ قٍ رَ،

12 عِ شَ ﭑ يَشُييٍ دّ بَلَن عِ شَ دُفُتّفّحَ شَ قٍ رَ،

عِ شَ ﭑ فٍرٍقَيٍ شُن نَكَنَ،

بَرِ مَ عِ شَ كٌنيِ نَن لَنشِ ﭑ مَ.