بَرٍ شَاحّيٍ
عَلَ مَشَندِ
1 دَوُدَ شَ سُوكِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «عِ نَشَ هَلَكِ تِ». عَ نَشَ عَ بَ سْلُ تٌ سْورِيٍ شّي عٍ شَ دَوُدَ قَشَ عَ شَ بَنشِ كُي.
2 ﭑ مَرِفِ عَلَ، ﭑ نَتَنفَ ﭑ يَشُييٍ مَ.
ﭑ مَ قٍ شَ تٍ دَنفِقٍ ﭑ يَشُييٍ شَ قٍ رَ.
3 ﭑ نَتَنفَ تِنشِنتَرٍيٍ مَ.
ﭑ نَكِسِ قَشّتِيٍ مَ،
4 بَرِ مَ عٍ وَ مَ ﭑ قَشَقٍ.
سّنبّمَيٍ نَ عٍ مَلَنقٍ ﭑ شِلِ مَ،
هَلِ ﭑ مُ قِندِ قٍ كٌبِ رَبَ رَ،
هَلِ ﭑ مُ يُنُبِ يٌ رَبَ عَلَتَلَ رَ.
5 هَلِ ﭑ مُ نَ قٍ حَاشِ رَبَقٍ،
عٍ عٍ فِمَ ﭑ قْشْ رَ، عٍ شَ ﭑ فٍرٍ.
كٍلِ، عِ قَ ﭑ مَلِ! يَندِ ﭑ مَ قٍ مَتٌ.
6 عِسِرَيِلَ مَرِفِ عَلَتَلَ، مَنفّ عَلَ، كٍلِ،
عِ شَ سِ دَنشَنِيَتَرٍيٍ رَتْن.
عِ نَشَ دِحّ يِ يَنقَنتٍ تِنشِنتَرٍيٍ مَ. حّنفِ رَتٍ.
7 عٍ قَمَ كْي رَ عَلْ بَرٍ شَاحّيٍ عٍ قَ تَا رَبِلِن.
8 عٍ دّ لُمَ عَلْ بَرٍ دّ شُنقّ مِنِمَ نَشَن كُي.
عٍ شَ وْيّنيِ مِشِ تْورْ مَ عَلْ سَنتِدّفّمَ.
عٍ نَشّ، «ندٍ نْمَ وٌن مَ وْيّنيِ مّدٍ؟»
9 كْنْ عَلَتَلَ، عِ تَن نَن يٍلٍمَ عٍ مَ.
عِ سِ دَنشَنِيَتَرٍيٍ بِرِن مَيٍلٍمَ.
10 ﭑ نَن ﭑ يّتّ رَتَنفَمَ عٍ سّنبّ مَ عِ تَن نَن سَابُي رَ.
عَلَ نَن نَ ﭑ مَ كَنتَمَ رَ.
11 ﭑ مَرِفِ عَلَ، نَشَن شَ هِننّ فبٌ،
عِ شَ تِ ﭑ يَ رَ،
عِ شَ ﭑ يَشُييٍ رَبِرَ.
12 ﭑ مَرِفِ، ﭑ مَ كَنتَمَ، عِ نَشَ عٍ قَشَ كٍرٍن نَ.
عِ شَ عٍ رَبِرَ عَلَكٌ ﭑ مَ حَمَ نَشَ نّيمُ عِ سّنبّ مَ.
13 عٍ يُنُبِ رَبَمَ عٍ شَ وْيّنيِيٍ رَ.
عِ شَ عٍ سُشُ عٍ شَ يّتّ عِفبٌحَ كُي.
عٍ دَنكّيٍ نُن وُلٍيٍ نَن تُن قَلَمَ.
14 عِ شَ عٍ رَحْن عِ شَ شْنّ رَ، عَلَكٌ عٍ نَشَ تٌ سْنْن،
عَلَكٌ عٍ شَ عَ كٌلٌن عَلَ نَن مَنفّ رَ
يَشُبَ بْنسْي نُن دُنِحَ بِرِن شُن مَ. حّنفِ رَتٍ.
15 عٍ قَمَ كْي رَ عَلْ بَرٍ شَاحّيٍ عٍ قَ تَا رَبِلِن.
16 بَرٍيٍ دٌنسٍ قٍنمَ يِرٍ بِرِن كْي رَ،
كْنْ عٍ مُ لُفَمَ.
17 ﭑ عِ سّنبّ مَتْشْمَ بّيتِ رَ.
ﭑ عِ شَ هِننّ مَتْشْمَ فّيسّفّ،
بَرِ مَ ﭑ مَ كَنتَمَ نَن عِ رَ،
عِ ﭑ كَنتَمَ ﭑ مَ تْورّ كُي.
18 ﭑ مَ سّنبّمَ، ﭑ بّيتِ بَمَ عِ بّ.
ﭑ مَرِفِ عَلَ نَن ﭑ كَنتَمَ رَ،
ﭑ مَرِفِ عَلَ نَن ﭑ هِننّمَ ﭑ نَ.