عَلَ شَ بْحّسَ
عَلَ شَ سّرِيّ
1 دَوُدَ شَ بّيتِ بّيتِبَيٍ شَ مَنفّ يٍدُتُن بّ
2 ﭑ بْحّ سَشِ عَلَ نَن سَابُي رَ،
ﭑ مَ كِسِ قَتَنشِ عَ تَن نَن نَ.
3 عَ لُشِ ﭑ بّ عَلْ قَنيٍ،
ﭑ مَ مَرَكِسِمَ نُن ﭑ مَكَنتَمَ نَن عَ رَ.
ﭑ مُ نْمَ بِرَدٍ سْنْن.
4 وٌ دُتُنمَ مِشِيٍ مَ هَن مُن تّمُي،
وٌ شَ عٍ رَبِرَ، عَلْ بَنشِ نُن تّتّ قٌرِ؟
5 عٍ وُلٍ قَلَمَ عَلَكٌ عٍ شَ مِشِيٍ بَ يِرٍ قَنيِ عٍ نُ دّننَشّ.
عٍ دُبّ تِمَ عٍ دّ رَ، كْنْ عٍ دَنكّ تَن تِمَ عٍ بْحّ رَ. حّنفِ رَتٍ.
6 ﭑ بْحّسَ سْتْمَ عَلَ نَن نَ،
بَرِ مَ ﭑ شَشِلِ تِشِ عَ تَن نَن نَ.
7 عَ لُشِ عَلْ قَنيٍ نَ عَ رَ ﭑ بّ،
ﭑ مَ مَرَكِسِمَ نُن ﭑ مَ مَكَنتَمَ نَن عَ رَ.
ﭑ مُ نْمَ بِرَدٍ سْنْن.
8 ﭑ مَ كِسِ نُن ﭑ مَ بِنيّ نَ عَلَ نَن يِ.
عَلَ ﭑ مَكَنتَمَ نَن عَ رَ، ﭑ يِفِ تِدٍ نَن عَ رَ.
9 حَمَ، وٌ شَ وٌ تَشُ عَ رَ،
وٌ شَ وٌ شَ كْنتْقِلِ مَسٍن عَ بّ.
عَ تَن نَن نْمَ وٌن مَلِدٍ. حّنفِ رَتٍ.
10 عَدَ مَدِيٍ لُمَ عَلْ قٌيٍ نَشَن دَنفِمَ.
مِشِ شُنفبٍ قِندِ مَ مِشِ شُرِ رَ،
شَ عٍ شَ قٍ بَرَ مَنِيَ، عَ يٍلٍبُ عَلْ قٌيٍ.
11 وٌ نَشَ هَرِفٍ قٍن قٍ كٌبِ رَ،
وٌ نَشَ عَ قٍن مُحّ رَ.
شَ وٌ شَ نَاقُلِ سَ فبٌ،
وٌ نَشَ وٌ شَشِلِ تِ نَ رَ.
12 عَلَ بَرَ قٍ قِرِن قَلَ ﭑ نَشٍيٍ مّشِ.
كٍرٍن، سّنبّ نَ عَلَ بّ.
13 عَ قِرِن ندٍ، ﭑ مَرِفِ نَن هِننّنتٍ رَ،
بَرِ مَ عَ مِشِيٍ سَرٍ رَفبِلٍنمَ عٍ مَ.