1 عَلَتَلَ نَ وْيّنقٍ.

عَ نَ دُنِحَ بِرِن شِلِقٍ،

كٍلِ سٌفٍتٍدٍ هَن سٌفٍفٌرٌدٍ.

2 كٍلِقٍ سِيٌن،

عَلَ شَ تٌقَنيِ يَنبَمَ.

3 وٌن مَرِفِ عَلَ نَ قَقٍ،

عَ مُ دُندُشِ.

تّ بٍلٍبٍلٍ نَ عَ يَ رَ،

قٌيٍ شُنفبٍ قَن نَ عَ رَبِلِنيِ.

4 عَ شُي تٍمَ كٌورٍ مَ،

عَ شُي فٌرٌ مَ بْشِ

كِيتِ سَدٍ عَ شَ مِشِيٍ بّ.

5 «ﭑ بَتُلَيٍ،

نَشٍيٍ لَايِدِ تٌنفٌشِ ﭑ بّ سّرّشّ رَ،

وٌ شَ وٌ مَلَن.»

6 عَلَ شَ مَسٍنيِ تِنشِنشِ كٍلِمَ كٌورٍ نَن مَ،

بَرِ مَ كِيتِسَ نَن نَ عَلَ رَ.

7 «ﭑ مَ مِشِيٍ، وٌ وٌ تُلِ مَتِ، ﭑ شَ وْيّن.

عِسِرَيِلَ، ﭑ بَرَ وٌ كَلَمُ.

عَلَ نَن ﭑ نَ، وٌ مَرِفِ عَلَ.

8 ﭑ مُ شْنْشِ وٌ شَ سّرّشّيٍ شَ قٍ رَ.

وٌ سّرّشّ فَن دَاشِيٍ بَمَ ﭑ بّ تّمُي بِرِن.

9 ﭑ مُ تُورَ تٌنفٌمَ وٌ شْنيِ.

ﭑ مُ سِ كٌنتٌنيِ قَن تٌنفٌمَ وٌ شَ كُلّ.

10 ﭑ فبٍ نَن نَ سُبٍ بِرِن نَ وُلَ عِ.

ﭑ فبٍ نَن نَ سُبٍ بِرِن نَ فٍيَيٍ مَ.

11 ﭑ فبٍ نَن نَ شْنِ بِرِن نَ كٌورٍ مَ.

ﭑ فبٍ نَن نَ سُبٍ بِرِن نَ قِيلِ مَ.

12 شَ كَامّ ﭑ سُشُمَ نُ، ﭑ مَ قَلَمَ وٌ تَن بّ.

ﭑ فبٍ نَن نَ دُنِحَ بِرِن نَ.

13 ﭑ تَن تُورَ سُبٍ دٌنمَ؟ عَدٍ.

ﭑ تَن سِ كٌنتٌنيِ وُلِ مِنمَ؟ عَدٍ.

14 عَ لَنمَ وٌ شَ تَنتُي رَ سِفَ ﭑ مَ،

نَ شَ قِندِ وٌ شَ سّرّشّيٍ رَ.

وٌ شَ وٌ شَ لَايِدِيٍ رَكَمَلِ ﭑ بّ، ﭑ تَن عَلَ شِلِ شُنفبٍ كَنيِ.

15 وٌ شَ ﭑ شِلِ وٌ شَ تْورّ كُي.

ﭑ قَمَ وٌ رَتَنفَدٍ،

وٌ قَن قَمَ ﭑ مَتْشْدٍ.»

16 عَلَ شَ مَسٍنيِ نَن يَ، مِشِ حَاشِيٍ بّ،

«وٌ نَ ﭑ مَ يَامَرِ نُن ﭑ مَ سَاتّ دُرُ سِقٍ مُنقٍ رَ؟

17 ﭑ مَ سّرِيّ مُ رَقَن وٌ مَ.

وٌ مُ ﭑ مَ وْيّنيِ دَنشُنمَ.

18 وٌ نُن مُحّتِيٍ نَ عَ رَ.

وٌ نُن يّنّ رَبَيٍ نَ عَ رَ.

19 قٍ حَاشِ نَن تُن مِنِمَ وٌ دّ عِ،

وٌ وُلٍ نَن تُن قَلَمَ.

20 وٌ نُن نَشَن نفَ كٍرٍن عَ رَ،

وٌ نَ تْوحّفّمَ.

21 وٌ نَشَن نَبَشِ، نَ نَن يَ.

هَن يَكْسِ ﭑ بَرَ ﭑ سَبَرِ.

وٌ حْشْ عَ مَ عَ ﭑ نَ وٌ سّيتِ مَ،

كْنْ ﭑ قَمَ شَاحّدٍ وٌ مَ،

ﭑ قَمَ عَ بِرِن يَ بَدٍ وٌ بّ.

22 وٌ شَ يِ قٍ مّ،

وٌ تَن نَشٍيٍ نّيمُشِ عَلَ مَ،

شَ نَ مَرَ ﭑ وٌ شَ قٍ كَنَمَ نّ.

مِشِ يٌ مُ وٌ رَتَنفَمَ.

23 نَشَن تَنتُي سّرّشّ بَمَ ﭑ بّ،

نَ مِشِ بَرَ ﭑ مَتْشْ.

مِشِ نَشَن عَ حّرّ كِ مَتٌمَ عَ قَنيِ رَ،

ﭑ قَمَ ﭑ تَن عَلَ شَ مَرَكِسِ مَسٍندٍ عَ بّ.»