يَبُرَ 142

دَنشَنِيَتْي شَ كَنتَرِ

عَلَ مَشَندِ

1 دَوُدَ شَ لْننِ بّيتِ عَ تٌ نُ نَ قْنمّ رَ

2 ﭑ نَ ﭑ شُي رَتٍمَ عَلَتَلَ نَن مَ كِنِكِنِ شَ قٍ رَ.

3 ﭑ نَ ﭑ مَ كْنتْقِلِ دّنتّفّمَ عَ تَن نَن بّ،

ﭑ نَ ﭑ مَ نِمِسّ يَ بَ عَ بّ.

4 لِمَنِيَ نَ بَ ﭑ يِ رَ، عِ تَن ﭑ سِفَدٍ كٌلٌن.

عٍ بَرَ فَنتَنيِ تٍ ﭑ بّ ﭑ مَ كِرَ رَ.

5 ﭑ نَبِلِنيِ مَتٌ؛ مِشِ يٌ مُ نَ ﭑ بّ،

كَنتَرِ مُ نَ ﭑ بّ، مّينِمَ يٌ مُ نَ ﭑ بّ.

6 عَلَتَلَ، عِ تَن نَن كٍرٍن ثٍتِ نَ ﭑ بّ سْنْن.

عِ كٍرٍن نَن قِندِشِ ﭑ كَنتَمَ رَ يِ دُنِحَ بّندّ قُحِ قَرِ.

7 عِ شَ ﭑ وَ شُي مّ، بَرِ مَ ﭑ سّنبّ بِرِن بَرَ حْن.

ﭑ بَ ﭑ كٍرِ مَيٍ يِ رَ، بَرِ مَ عٍ سّنبّ فبٌ ﭑ بّ.

8 ﭑ نَمِنِ فٍيلِ كُي، عَلَكٌ ﭑ شَ عِ شِلِ مَتْشْ.

نَ كُي تِنشِنتْييٍ قَمَ نّ عٍ مَلَندٍ ﭑ يِرٍ عِ شَ هِننّ شَ قٍ رَ.