1 دَوُدَ شَ بّيتِ عَ نَشَن سّبّ عَلَ شَ هْرْ مْبَنشِ شَ قٍ رَ

2 ﭑ بَرَ عِ مَتْشْ عَلَتَلَ،

بَرِ مَ عِ بَرَ ﭑ نَكٍلِ.

عِ مُ تِن ﭑ يَشُييٍ شَ شُننَكٍلِ سْتْ ﭑ شُن مَ.

3 ﭑ مَرِفِ عَلَتَلَ، ﭑ تٌ عِ شِلِ،

عِ نَشَ ﭑ نَيَلَن.

4 عَلَتَلَ، عِ نَشَ ﭑ نِي رَكِسِ سَيَ مَ،

عِ مُ تِن ﭑ شَ فٌرٌ فَبُرِ كُي.

5 دَنشَنِيَتْييٍ، وٌ شَ بّيتِ بَ عَلَتَلَ بّ،

وٌ شَ عَ شِلِ مَتْشْ.

6 عَ شَ شْنّ مُ بُمَ،

كْنْ عَ هِننّمَ عِ رَ عِ شَ سِمَيَ بِرِن كُي.

نُنمَرٍ، مِشِيٍ وَ مَ، كْنْ فّيسّفّ عٍ قَ حّلّشِن.

7 ﭑ بْحّسَ سْتْ تّمُي نَشّ ﭑ نَشَ عَ قَلَ،

«ﭑ مُ نْمَ بِرَدٍ.»

8 عَلَتَلَ، تّمُي دَنفِشِ عِ نَشَ ﭑ سّنبّ لُ عَلْ فٍيَ،

كْنْ يَكْسِ عِ بَرَ عِ نْشُن ﭑ مَ.

ﭑ بْحّ بَرَ عِقُ.

9 عَلَتَلَ، ﭑ نَشَ عِ شِلِ، ﭑ نَشَ عِ مَشَندِ.

10 ﭑ نَشَ عَ قَلَ عِ بّ،

«ﭑ مَ قَشّ قِندِ مَ فٍينِ مُندُن نَ عِ بّ؟

شَ ﭑ بَرَ فٌرٌ فَبُرِ كُي،

نَ نْمَ قِندِدٍ مَتْشْي رَ عِ بّ؟

نَ نْمَ عِ شَ لَنلَنتٍيَ مَسٍندٍ دُنِحَ بّ؟»

11 عَلَتَلَ، عِ تُلِ مَتِ ﭑ نَ، عِ شَ كِنِكِنِ ﭑ مَ.

عَلَتَلَ، ﭑ مَلِ.

12 عِ بَرَ ﭑ مَ نِمِسّ مَسَرَ سّيوّ رَ.

عِ بَرَ ﭑ مَ سُننُن دٌنمَ مَسَرَ حّلّشِن دٌنمَ رَ.

13 ﭑ مَرِفِ عَلَتَلَ، نَ نَ عَ رَ ﭑ مُ دُندُ مَ،

ﭑ تَنتُي بّيتِ بَمَ نّ عِ بّ عَبَدَن.