1 دَوُدَ شَ بّيتِ بّيتِبَيٍ شَ مَنفّ بّ. عَ شَ بَ كْرَ شُي رَ.

2 ﭑ مَرِفِ عَلَ تِنشِنشِ، ﭑ نَ ﭑ شُي رَتٍ عِ مَ،

يَندِ عَ رَتِن ﭑ بّ.

ﭑ مَ تْورّ كُي، عِ ﭑ بْحّ سَمَ.

هِننّ ﭑ نَ، ﭑ مَ دُبّ سُشُ.

3 عَدَ مَدِيٍ، وٌ ﭑ مَ بِنيّ مَسَرَ مَ يَافِ رَ هَن مُن تّمُي؟

وٌ بِرَ مَ قٍ قُقَقُ نُن وُلٍ قْشْ رَ هَن مُن تّمُي؟

4 وٌ شَ عَ كٌلٌن عَلَتَلَ بَرَ تِنشِنتْي سُفَندِ.

ﭑ نَن ﭑ شُي رَتٍ عَلَتَلَ مَ، عَ عَ رَ مّمَ نّ.

5 وٌ قَن شَ فَاشُ،

وٌ فبِلٍن يُنُبِ قٍ قْشْ رَ.

وٌ وٌ يّتّ رَ سِ كْي رَ،

وٌ شَ وٌ رَشَرَ.

6 وٌ شَ سّرّشّ بَ تِنشِنيِ كُي،

وٌ شَ وٌ يّتّ تَشُ عَلَتَلَ رَ.

7 مِشِ فبٍفبٍ عَ قَلَمَ،

«ندٍ نْمَ هّيرِ مَسٍندٍ وٌن بّ؟»

عَلَتَلَ، عِ شَ نْرّ مَسٍن مُشُ بّ.

8 عِ بَرَ ﭑ بْحّ رَقٍ سّيوّ رَ

دَنفِقٍ شّ شَبَ تّمُي رَ.

9 ﭑ نَ ﭑ سَ، ﭑ شِمَ بْحّسَ كُي،

بَرِ مَ عِ تَن عَلَتَلَ، عِ كٍرٍن نَن نْمَ ﭑ كَنتَدٍ.