بّيتِ نُن سُوكِ بّيتِبَيٍ شَ مَنفّ بّ

1 عَدَ مَدِيٍ بِرِن شُي شَ عِتٍ سّيوّ رَ عَلَ بّ.

2 وٌ شَ عَ شِلِ بِنيَ بّيتِ رَ،

وٌ شَ عَ بِنيَ مَتْشْي رَ.

3 وٌ شَ عَ قَلَ عَلَ بّ،

«عِ شَ كَابَنَكٌي مَفَاشُ.

عِ سّنبّ فبٌ هَن. هَلِ عِ يَشُييٍ سّرّنمَ عِ يَ رَ.

4 دُنِحَ بِرِن عِ بَتُمَ،

عٍ عِ بِنيَ بّيتِ رَ، عٍ عِ شِلِ مَتْشْ.» حّنفِ رَتٍ.

5 وٌ قَ عَلَ شَ وَلِ مَتٌدٍ.

عَ نَ قٍ رَبَ عَدَ مَدِيٍ تَفِ، نَ مَفَاشُ.

6 عَ بَا قِندِ شَرٍ رَ،

عَ مِشِ رَفِرِ شُرٍ مَ عٍ سَنيِ شَرَشِ رَ.

نَ كُي، وٌن حّلّشِنمَ نّ عَ رَ.

7 عَ دُنِحَ يَمَرِ مَ سّنبّ رَ عَبَدَن.

عَ يَ تِشِ سِيٍ رَ، مَتَندِلَيٍ مُ نْمَ كٍلِدٍ سْنْن. حّنفِ رَتٍ.

8 سِيٍ، وٌ شَ وٌن مَرِفِ عَلَ تَنتُ،

وٌ شَ وٌ شُي رَ مِنِ عَ مَتْشْقٍ رَ.

9 عَ بَرَ سِمَيَ قِ وٌن مَ،

عَ مُ تِن وٌن شَ بِرَ،

10 بَرِ مَ عَلَ وٌن بْحّ كٌلٌن.

عَ بَرَ وٌن مَتٌ عَلْ مِشِ فبٍتِ مَتٌمَ كِ نَشّ

عَ عَ رَشُنُ عَلَكٌ عَ فبِ شَ بَ.

11 عِ بَرَ مُشُ شُن تِ يّلّ كُي رَ،

عِ مَن بَرَ كٌتٍ دْشْ مُشُ شُن مَ.

12 عِ بَرَ عَ لُ مِشِيٍ شَ نْ مُشُ رَ،

مُشُ شَ تْورْ يٍ نُن تّ شْورَ.

كْنْ عَ رَحْنيِ، عِ بَرَ مُشُ شُن تِ دَشَمُي يِرٍ رَ.

13 ﭑ قَمَ سّرّشّ فَن دَاشِ رَ عِ شَ بَنشِ كُي،

ﭑ نَن ﭑ مَ لَايِدِ رَكَمَلِمَ نّ،

14 ﭑ نَشٍيٍ قَلَ ﭑ دّ رَ ﭑ نُ تْورّ كُي تّمُي نَشّ.

15 ﭑ شُرُ سٍ تُرَشِيٍ بَمَ نّ سّرّشّ فَن دَاشِ رَ،

عَلْ يّشّي كٌنتٌنيِيٍ، تُورَيٍ، نُن سِ دٌنبِيٍ. حّنفِ رَتٍ.

16 وٌ قَ، وٌ شَ وٌ تُلِ مَتِ،

وٌ تَن نَشٍيٍ فَاشُمَ عَلَ يَ رَ.

ﭑ شَ عَ مَسٍن عَلَ نَشَن نَبَشِ ﭑ بّ.

17 ﭑ بَرَ عَ شِلِ، ﭑ بَرَ عَ مَتْشْ.

18 شَ يَنقَنتٍيَ نُ نَ ﭑ بْحّ كُي نُ،

ﭑ مَرِفِ مُ نُ عَ تُلِ مَتِمَ ﭑ نَ.

19 كْنْ عَلَ بَرَ ﭑ شُي رَ مّ،

عَ ﭑ مَ دُبّ سُشُ.

20 تَنتُي نَ عَلَ بّ نَشَن بَرَ ﭑ مَ مَشَندِ شُي مّ،

عَ مَن بَرَ هِننّ ﭑ نَ.